Dhurandhar 2 Mistake: रणवीरच्या सिनेमात मोठी चूक? व्हायरल व्हिडीओ पाहून नेटकरी हैराण

dhurandar: रणवीर सिंहचा 'धुरंधर द रिव्हेंज' बॉक्स ऑफिसवर रेकॉर्डब्रेक कमाई करत असतानाच, एका व्हायरल व्हिडीओमुळे नव्या वादाला तोंड फुटलं आहे. 

आदित्य धरच्या दिग्दर्शनाखाली बनलेला 'धुरंधर: द रिव्हेंज' रिलीज झाल्यापासून सतत चर्चेत आहे. एकीकडे सिनेमाच्या भव्यतेचं आणि कथेचं कौतुक होत आहे, तर दुसरीकडे काही लोक याला 'प्रोपेगेंडा' म्हणत आहेत. याच दरम्यान, सिनेमातील एक मोठी चूक समोर आली आहे, ज्यामुळे सोशल मीडियावर जोरदार चर्चा सुरू झाली आहे. सिनेमातील एका इमोशनल फाईट सीनमध्ये कॅमेरामनचं प्रतिबिंब दिसत असल्याचा दावा केला जात आहे आणि हीच क्लिप आता वेगाने व्हायरल होत आहे.

'धुरंधर द रिव्हेंज'च्या फाईट सीनमध्ये दिसला 'कॅमेरामन'?

व्हायरल झालेल्या क्लिपमध्ये रणवीर सिंहचं पात्र हमजा आणि त्याचा मित्र पिंडा यांच्यात एक जबरदस्त फाईट सीन दाखवण्यात आला आहे. पण लोकांचं लक्ष कथेपेक्षा त्या आरशातील शॉटवर गेलं, ज्यात कथितरित्या कॅमेरामनचं प्रतिबिंब दिसतंय. काही सोशल मीडिया युजर्सच्या मते ही सिनेमातील एक मोठी चूक आहे, तर अनेक जण याला एडिटिंगमधील गडबड किंवा फेक क्लिप म्हणत आहेत.

'धुरंधर 2' च्या व्हायरल क्लिपवर लोकांच्या प्रतिक्रिया

'धुरंधर 2' ची ही कथित व्हिडीओ क्लिप समोर येताच इंटरनेटवर वाद सुरू झाला आहे. यावर लोकांची वेगवेगळी मतं आहेत. उदाहरणार्थ, एका युजरने लिहिलं आहे, "हे फेक पिक्चर आहे. AI ने तयार केलंय. खरंतर त्यात कॅमेरामन दिसत नाही." दुसऱ्या एका युजरने कमेंट केली आहे, "हे 'डार्क नाइट' पासून प्रेरित आहे; नोलनकडूनही एक चूक झाली होती—ते या सीनमधून कॅमेरामनला काढायला विसरले. काय भारी डिटेलिंग आहे!" तर आणखी एका युजरने दुसऱ्या चुकीकडे लक्ष वेधत लिहिलं, “एका सीनमध्ये गोळीबार होता, पण त्याचा कोणताही साउंड इफेक्ट नव्हता.”

वादाच्या भोवऱ्यातही 'धुरंधर 2' ची बॉक्स ऑफिसवर जादू कायम

वाद आणि टीका होत असूनही 'धुरंधर द रिव्हेंज' बॉक्स ऑफिसवर जबरदस्त कामगिरी करत आहे. सिनेमाने फक्त ३ दिवसांत भारतात ३०० कोटी नेटचा आकडा पार केला आहे. तर जगभरात सिनेमाने ५०० कोटी रुपयांपेक्षा जास्त कमाई केली आहे. या सिनेमात रणवीर सिंह व्यतिरिक्त अर्जुन रामपाल, आर. माधवन, संजय दत्त आणि सारा अर्जुन यांसारखे कलाकारही महत्त्वाच्या भूमिकेत आहेत.