Raja Shivaji Box Office Day 4 : सिनेमाच्या कमाईत सोमवारी घसरण, तरीही बॉक्स ऑफिसवर कमाईचा 'राजा'!

'राजा शिवाजी' सिनेमाची बॉक्स ऑफिसवर घोडदौड सुरूच आहे, पण आठवड्याच्या सुरुवातीला यात थोडी घट झाली आहे. सोमवारी कमाईत मोठी घसरण होऊनही, या ऐतिहासिक सिनेमाने चार दिवसांत भारतात ३९ कोटी रुपयांचा टप्पा पार केला आहे.

'राजा शिवाजी' सिनेमाची दमदार ओपनिंग

रितेश देशमुखच्या 'राजा शिवाजी' या ऐतिहासिक सिनेमाने दमदार ओपनिंग केली. सिनेमाने पहिल्या दिवशी ११.३५ कोटी, शनिवारी १०.५५ कोटी आणि रविवारी १२ कोटींची कमाई केली. पण, इतर सिनेमांप्रमाणेच या सिनेमाच्या कमाईतही सोमवारी घट झाली. या दिवशी सिनेमाने ५.६ कोटी रुपये कमावले. वीकेंडच्या तुफान कमाईनंतर ही घसरण सामान्य मानली जाते.

सिनेमाची कमाई

सोमवारी कमाईत घट होऊनही, सिनेमाने भारतात आतापर्यंत जवळपास ३९.५० कोटी (नेट) आणि ४६.९५ कोटी (ग्रॉस) कमावले आहेत. विशेष म्हणजे, जुनैद खान आणि साई पल्लवीच्या 'एक दिन' सिनेमासोबत स्पर्धा असूनही 'राजा शिवाजी'च्या कमाईवर फारसा परिणाम झालेला नाही. आता पुढचे काही दिवस सिनेमासाठी महत्त्वाचे असतील.

सिनेमातील स्टार कास्ट, प्रेक्षकांचा प्रतिसाद

या सिनेमात रितेश देशमुखसोबत अभिषेक बच्चन, जिनिलिया देशमुख, संजय दत्त आणि महेश मांजरेकर अशी मोठी स्टारकास्ट आहे. सलमान खानच्या विशेष भूमिकेमुळे थिएटरमध्ये प्रेक्षकांचा मोठा प्रतिसाद मिळत आहे. छत्रपती शिवाजी महाराजांच्या जीवनावरील या सिनेमाला समीक्षकांकडून संमिश्र प्रतिसाद मिळाला असला तरी, प्रेक्षकांनी गर्दी केली आहे. रितेशने प्रेक्षकांना सिनेमाचे क्लिप्स किंवा स्पॉयलर्स ऑनलाइन शेअर न करण्याचे आवाहन केले आहे. हे देखील वाचा: राजा शिवाजी बॉक्स ऑफिस दिवस २: रितेश देशमुखच्या सिनेमाची दमदार कमाई