परेश रावल यांनी अजय देवगणचा 'दृश्यम ३' का नाकारला? कारण ऐकून जाल गांगरून

परेश रावल यांनी 'दृश्यम ३' ची ऑफर नाकारली आहे. चित्रपटाची पटकथा उत्कृष्ट असूनही, त्यांना त्यांचे पात्र आवडले नाही, असे त्यांनी सांगितले. याच कारणामुळे त्यांनी चित्रपटात काम करण्यास नकार दिला. 

बॉलिवूड अभिनेते परेश रावल यांनी खुलासा केला आहे की, त्यांना अजय देवगणच्या 'दृश्यम ३' या चित्रपटात एका भूमिकेची ऑफर मिळाली होती, पण त्यांनी ती नाकारली. एका मुलाखतीत बोलताना परेश म्हणाले की, चित्रपटाची पटकथा खूप चांगली होती, पण त्यांना दिलेली भूमिका आवडली नाही.

परेश रावल यांचा खुलासा

परेश रावल म्हणाले, 'हो, निर्मात्यांनी माझ्याशी संपर्क साधला होता, पण मला वाटले नाही की ही भूमिका माझ्यासाठी योग्य आहे. माझ्या भूमिकेबद्दल वाचून मजा आली नाही, पण पटकथा खूप चांगली आहे. मी खरोखरच प्रभावित झालो, पण एका दमदार पटकथेतही तुम्हाला अशी भूमिका हवी असते, ज्याबद्दल तुम्ही उत्सुक असाल. नाहीतर मजा येणार नाही.' 'दृश्यम ३' चे दिग्दर्शन अभिषेक पाठक यांनी केले असून कुमार मंगत यांनी निर्मिती केली आहे. यात अजय देवगण आणि श्रिया सरन मुख्य भूमिकेत आहेत. 'दृश्यम'चा पहिला भाग २०१५ मध्ये प्रदर्शित झाला होता, तर दुसरा भाग २०२२ मध्ये आला होता. २०१५ मध्ये आलेला हा क्राईम थ्रिलर चित्रपट मोहनलाल अभिनीत २०१३ च्या मल्याळम चित्रपटाचा रिमेक आहे.

आता 'दृश्यम'चा तिसरा भाग येणार आहे. काही काळापूर्वी सूत्रांनी सांगितले होते की, ‘मल्याळम फ्रँचायझीचे निर्माते जीतू आणि अँटनी आणि हिंदी रिमेकचे निर्माते कुमार मंगत यांच्यात एक करार झाला आहे. मूळ निर्मात्यांच्या परवानगीशिवाय हिंदी टीम त्यांच्या चित्रपटाच्या विषयाबद्दल कोणतीही घोषणा करू शकत नाही.’

परेश रावल यांचे वर्कफ्रंट

परेश रावल यांच्या वर्कफ्रंटबद्दल बोलायचे झाल्यास, ते शेवटचे आयुष्मान खुराना आणि रश्मिका मंदान्ना यांच्या 'थम्मा' या हॉरर कॉमेडी चित्रपटात दिसले होते. या चित्रपटाचे दिग्दर्शन आदित्य सरपोतदार यांनी केले आहे. याची निर्मिती मॅडॉक फिल्म्सचे प्रमुख दिनेश विजन आणि चित्रपट निर्माते अमर कौशिक यांनी केली आहे. त्यांच्या आगामी प्रोजेक्ट्सबद्दल बोलायचे झाल्यास, ते 'हेरा फेरी ३', 'द ताज स्टोरी', 'भूत बांगला' आणि 'वेलकम टू द जंगल' या चित्रपटांमध्ये दिसणार आहेत.