South Celebs : या दाक्षिणात्य सेलिब्रिटींनी दुसऱ्या धर्मातील व्यक्तीशी बांधलीये लग्नगाठ

बंगळुरु - वेगवेगळ्या धर्माचे असूनही, सांस्कृतिक फरक असूनही, दक्षिण भारतातील काही सेलेब्जनी दुसऱ्या धर्मातील व्यक्तीशी लग्न केले आहे. विशेष म्हणजे त्यांचे संसारीक आयुष्यही मजेत सुरु आहे. ते कोण आहेत? जाणून घ्या…

कोणकोण लग्नबंधनात अडकले?

दक्षिण भारतातील काही सेलिब्रिटींनी प्रेमविवाह केले आहेत. त्यांचे धर्म वेगवेगळे असले तरी त्यांच्यात कोणताही फरक नाही. ही जोडपी आपल्या मुलांसह आनंदी जीवन जगत आहेत.

राहुल शर्मा आणि असिन

राहुल शर्मा आणि असिन यांनी २०१६ मध्ये लग्न केले. राहुल शर्मा हिंदू आहेत, तर असिन ख्रिश्चन आहेत. खाजगी सोहळ्यात झालेल्या या लग्नाला फक्त जवळचे मित्र आणि कुटुंबीय उपस्थित होते. या जोडप्याला एक मुलगी आहे. दोघांची सुखी कुटुंब असून दोघेही अतिशय मजेत जीवन जगत आहेत.

प्रियामणी, मुस्तफा राज

कन्नडमध्ये अनेक चित्रपटांमध्ये काम केलेल्या प्रियामणी हिंदू आहेत. २०१७ मध्ये त्यांनी उद्योजक मुस्तफा राज यांच्याशी लग्न केले. बंगळुरूमध्ये खूप खाजगी सोहळ्यात हे लग्न पार पडले. हिंदू-मुस्लिम समजात हे लग्न झाले असले तरी दोघेही आपापला धर्म पाळतात. दोघेही मजेत आहेत.

सूर्या आणि ज्योतिका

सूर्या आणि ज्योतिका ही जोडी भारतीय चित्रपटसृष्टीत खूप लोकप्रिय आहे. सूर्या हिंदू आहेत, तर ज्योतिका पंजाबी मुस्लिम आहेत. तमिळ चित्रपटांमध्ये काम करणाऱ्या ज्योतिका यांनी सूर्यांना प्रपोज केले होते. त्या तमिळही शिकल्या आहेत. आज ज्योतिका दक्षिण भारतात पूर्णपणे रुळल्या आहेत. २००६ मध्ये लग्न झालेल्या या जोडप्याला दिया आणि देव ही दोन मुले आहेत.

विजय आणि संगीता

प्रसिद्ध अभिनेता विजय ख्रिश्चन आहेत. त्यांची चाहती संगीता परदेशात राहत होती. चेन्नईला आल्यानंतर संगीताने आपल्या आवडत्या हिरोशी लग्न केले. संगीता हिंदू आहेत. १९९९ मध्ये या दोघांचे लग्न झाले आणि त्यांना जॅसन संजय विजय आणि दिव्या साशा ही दोन मुले आहेत. चेन्नईमध्ये हिंदू धर्मानुसार हे लग्न पार पडले.

अजित आणि शालिनी

तमिळ चित्रपटसृष्टीतील प्रसिद्ध अभिनेता अजित हिंदू ब्राह्मण आहेत. अभिनेत्री शालिनी ख्रिश्चन आहेत. तमिळ चित्रपटसृष्टीत नाव कमावलेल्या या दोघांनी २००० मध्ये लग्न केले. या जोडप्याला अनुष्का आणि आदविक ही दोन मुले आहेत. लग्नानंतर शालिनी यांनी अभिनयापासून दूर राहण्याचा निर्णय घेतला.