जय भानुशाली-माही विजचा घटस्फोट? अभिनेत्रीने सांगितलेल्या गोष्टीमुळे लग्नावरचा उडेल विश्वास

अभिनेता जय भानुशाली आणि माही विज यांच्या घटस्फोटाच्या चर्चांना उधाण आले आहे. माहीने या बातम्यांना 'खोट्या' ठरवत कायदेशीर कारवाईचा इशारा दिला आहे. रिपोर्ट्सनुसार, दोघांमध्ये मतभेद असून ते काही काळापासून वेगळे राहत आहेत.

अभिनेता जय भानुशाली आणि माही विज सध्या त्यांच्या वैयक्तिक आयुष्यामुळे चर्चेत आहेत. लग्नाच्या १५ वर्षांनंतर या जोडप्याने घटस्फोट घेतला असल्याचे म्हटले जात आहे. काही महिन्यांपूर्वी, जुलै-ऑगस्टच्या सुमारास, दोघांनी घटस्फोट घेतला होता आणि काही काळापासून ते वेगळे राहत होते, असा दावा पूर्वीच्या बातम्यांमध्ये करण्यात आला होता. आता या चर्चांदरम्यान माहीने अखेर मौन सोडले आहे.

घटस्फोटाच्या बातम्यांवर माहीची प्रतिक्रिया

एका इंस्टाग्राम पेजवरील पोस्टमध्ये दावा करण्यात आला होता की, या जोडप्याने आपले नाते वाचवण्याचा प्रयत्न केला, पण ते शक्य झाले नाही. या पोस्टवर प्रतिक्रिया देताना माहीने लिहिले, 'खोट्या बातम्या पोस्ट करू नका. मी याविरोधात कायदेशीर कारवाई करेन.' अलीकडेच, जयने त्याची मुलगी तारासोबत इंस्टाग्रामवर एक व्हिडिओ शेअर केला होता. या व्हिडिओमध्ये तारा 'मेरी पॅन्ट में गिलहरी हैं' या गाण्यावर नाचताना दिसत आहे. नंतर, जयनेही तिच्यासोबत 'उस लड़की की पॅन्ट में सचमुच गिलहरी हैं' या ओळीवर लिप-सिंक करण्यास सुरुवात केली. जयने पोस्टसोबत कॅप्शन लिहिले, 'जेव्हा वडील मुलासोबत एकटे असतात, तेव्हा असेच होणार.' मात्र, माहीच्या कमेंटने सर्वांचे लक्ष वेधून घेतले. तिने लिहिले, ‘तारा सर्वात गोड आहे.’

जय आणि माहीचे लग्न कधी झाले?

हिंदुस्तान टाइम्सच्या वृत्तानुसार, जय आणि माहीच्या मुलांच्या कस्टडीचाही निर्णय झाला आहे. माही आणि जय यांच्यात विश्वासाच्या मुद्द्यांवरून वाद सुरू झाल्याचे वृत्त आहे. सूत्राने पुढे सांगितले, 'कधीकाळी त्यांच्या संयुक्त व्लॉगसाठी ओळखले जाणारे माही आणि जय यांनी आता एकत्र फोटो पोस्ट करणे बंद केले आहे. त्यांची शेवटची कौटुंबिक पोस्ट जून २०२४ मध्ये होती.'

जय आणि माहीच्या घटस्फोटाच्या चर्चा गेल्या काही काळापासून सुरू आहेत, विशेषतः जेव्हापासून अनेक चाहत्यांनी पाहिले की जय आणि माहीने सोशल मीडियावर एकत्र फोटो पोस्ट करणे बंद केले आहे. खरं तर, दोघेही शेवटचे ऑगस्टमध्ये त्यांची मुलगी ताराच्या वाढदिवसाच्या कार्यक्रमात एकत्र दिसले होते, जिथे कार्यक्रमाच्या व्हिडिओमध्येही दोघे एकमेकांपासून अंतर राखून असल्याचे दिसत होते. जय आणि माही यांनी २०१० मध्ये लग्न केले होते. ते तीन मुलांचे पालक आहेत.