Kareena Kapoor: बेडरुममध्ये 'त्या' तीन गोष्टींशिवाय झोपच येत नाही; करीनाचा बिनधास्त खुलासा

करीना कपूरने एकदा तिचा नवरा सैफ अली खानसोबतच्या तिच्या बेडरुममधील एक गुपित उघड केलं होतं. तिने दिलेलं उत्तर खूपच मजेशीर होतं. जाणून घेण्यासाठी वाचा.

बॉलिवूडमध्ये अशा काही जोड्या आहेत, ज्यांच्याकडे बघूनच 'व्वा!' म्हणावंसं वाटतं. करीना कपूर आणि सैफ अली खान ही अशीच एक जोडी आहे. त्यांची केमिस्ट्री, एकमेकांबद्दलचं प्रेम आणि त्यांचा स्टायलिश अंदाज नेहमीच चाहत्यांची मनं जिंकतो. ते कोणत्याही कार्यक्रमात किंवा रेड कार्पेटवर एकत्र आले की सगळ्यांच्या नजरा त्यांच्यावरच खिळलेल्या असतात. सैफ आपल्या लाडक्या बेबोची किती काळजी घेतो, हे तर आपण नेहमीच पाहतो.

करीनाचं बेडरुममधील गुपित

करीना तिच्या बिनधास्त आणि मजेशीर स्वभावासाठी ओळखली जाते. काही वर्षांपूर्वी 'स्टार व्हर्सेस फूड' (Star vs Food) या डिस्कव्हरी+ (discovery+) वरील रिॲलिटी शोमध्ये तिने तिच्या बेडरुममधील एक गुपित उघड केलं होतं. हो, तुम्ही बरोबर वाचलंत. तिला विचारण्यात आलं की, बेडवर जाताना तिला कोणत्या तीन गोष्टी लागतात? यावर करीनाने पटकन उत्तर दिलं, 'एक वाईनची बाटली, माझे पायजमे आणि माझा नवरा सैफ अली खान'.

कपल गोल्स

करीनाने तिच्या खासगी आयुष्याबद्दल केलेला हा खुलासा खरंच धाडसी होता. 'टशन' सिनेमाच्या सेटवर सैफ आणि करीना एकमेकांच्या प्रेमात पडले आणि त्यानंतरची गोष्ट तर सगळ्यांनाच माहीत आहे. करीनानेच एका मुलाखतीत सांगितलं होतं की, सैफने तिला प्रपोज करताना म्हटलं होतं, 'मला माझं संपूर्ण आयुष्य तुझ्यासोबत घालवायचं आहे.' तिने होकार दिला आणि आज त्यांचं सुखी वैवाहिक जीवन सुरू आहे. या दोघांना तैमूर अली खान आणि जेह अली खान ही दोन मुलं आहेत.

आगामी चित्रपट

कामाबद्दल बोलायचं झालं तर, करीना लवकरच मेघना गुलजार दिग्दर्शित 'दायरा' या सिनेमात दिसणार आहे. यात तिच्यासोबत पृथ्वीराज सुकुमारन मुख्य भूमिकेत असेल. तर दुसरीकडे, सैफ अली खान प्रियदर्शन दिग्दर्शित 'हैवान' या सिनेमात झळकणार आहे. या सिनेमात त्याच्यासोबत अक्षय कुमारही दिसणार आहे.