कंतारा-2 चित्रपटातील अभिनेता राकेश पुजारी यांचे हृदयविकाराच्या झटक्याने निधन झाले आहे. ते अवघ्या ३३ वर्षांचे होते. ते एक उत्तम विनोदवीर म्हणूनही ओळखले जात होते.
ऋषभ शेट्टीच्या आगामी चित्रपट कंतारा-2 चे अभिनेता आणि विनोदवीर राकेश पुजारी यांचे निधन झाले आहे. 33 व्या वर्षी त्यांनी सोमवारी अखेरचा श्वास घेतला.
26
कोण होता राकेश पुजारी?
राकेश पुजारी एक उत्तम विनोदवीर आणि अभिनेते होते. त्यांनी काही कन्नड आणि तेलुगू चित्रपटांमध्ये काम केले होते. मात्र, त्यांना इथपर्यंत पोहोचण्यासाठी बराच संघर्ष करावा लागला.
36
राकेश पुजारीचे करियर
राकेश पुजारी यांनी आपल्या कारकिर्दीची सुरुवात चैतन्य कलाविदरु नाट्यगृहात सामील होऊन केली. त्यांनी काही रंगमंचीय कार्यक्रमांमध्ये आपल्या अभिनयाची छाप पाडली.
राकेश पुजारी यांनी २०१४ मध्ये तुलु रिअॅलिटी शो 'कडाले बाजिल' मध्ये भाग घेतला. या शोमुळे त्यांना सुरुवातीच्या काळात ओळख मिळाली. ते 'कॉमेडी खिलाडी' सीझन ३ चे विजेते होते. त्यानंतर त्यांना खूप लोकप्रियता मिळाली.
56
कन्नड-तेलुगू सिनेमांमध्ये काम
राकेश पुजारी यांनी कन्नड आणि तेलुगू चित्रपटांमध्ये काम केले होते. राकेश यांनी कन्नड चित्रपट 'पेलवान' आणि 'इतु एन्था लोकावय्या' मध्ये काम केले. ते तुलु सिनेमाच्या चित्रपट 'पेटकम्मी' आणि 'अम्मेर पोलीस' मध्येही दिसले.
66
कांतरा-2 मध्ये झळकणार
राकेश पुजारी यांचा आगामी चित्रपट कंतारा २ आहे. ऋषभ शेट्टीच्या या चित्रपटाच्या शेवटच्या टप्प्याचे चित्रीकरण नुकतेच पूर्ण झाले होते. राकेशही या चित्रीकरणाचा भाग होते. चित्रपट २ ऑक्टोबर २०२५ रोजी प्रदर्शित होईल.
