Entertainment: नीना गुप्ता आणि संजय मिश्रा यांना त्यांच्या नुकत्याच आलेल्या 'वध 2' या चित्रपटातील अभिनयासाठी खूप प्रेम आणि प्रशंसा मिळत आहे. जसपाल सिंग संधू दिग्दर्शित या चित्रपटाला प्रेक्षकांकडून त्याला चांगला प्रतिसाद मिळत आहे.
सस्पेन्स थ्रिलरचे मुख्य कलाकार नीना गुप्ता आणि संजय मिश्रा यांनी नुकत्याच दिलेल्या एका मुलाखतीत अनेक गोष्टींवर आपलं मत मांडलं आहे. लोकांचा दबाव आणि त्यांच्या अपेक्षा पूर्ण करणं हे सिक्वेलसाठी सर्वात मोठं आव्हान असतं, असं त्यांचं ठाम मत आहे.
26
सिक्वेल यशस्वी का होत नाहीत?
बॉलिवूडमध्ये सिक्वेल यशस्वी का होत नाहीत, हे नीना गुप्ता यांनी आपल्या सिद्धांताद्वारे सांगितलं. त्यांनी 'धुरंधर 2' वरही स्पष्टपणे आपलं मत मांडलं. नीना गुप्ता बॉलिवूडच्या दिग्गज अभिनेत्री आहेत. त्यांनी अनेक सुपरहिट चित्रपट काम केले आहे. आता त्यांनी चित्रपटांचे सिक्वेल हिट न होण्यामागचं कारण सांगितलं आहे.
36
बॉलिवूडमध्ये वाढले सिक्वेल कल्चर
बॉलिवूडमध्ये सिक्वेल कल्चर वाढत असल्याचे नीना गुप्ता यांनी मान्य केले. त्यांच्या मते, चित्रपट निर्माते पहिल्या चित्रपटाच्या यशाचा फायदा घेण्यासाठी दुसऱ्या चित्रपटात नवीन विषय जोडतात. अनेकदा हे विषय घुसडल्यासारखे वाटतात. त्यामुळेच बॉलिवूडमधील बहुतेक सिक्वेल चित्रपट बॉक्स ऑफिसवर फ्लॉप होतात.
नीना गुप्ता यांच्या मते, 'वध 2' हा 'वध'चा सिक्वेल आहे, पण त्याची कथा पूर्णपणे वेगळी आहे. निर्मात्यांनी मुख्य जोडी तीच ठेवून प्रेक्षकांना एक वेगळी कथा सादर केली आहे. दिग्दर्शकाने ही कल्पना दुसऱ्या चित्रपटातही उत्तम प्रकारे वापरावी, असा सल्ला त्यांनी दिला आहे.
56
सिक्वेल चित्रपटांचा ट्रेंड
बॉलिवूडमधील सिक्वेल चित्रपटांच्या ट्रेंडबद्दल विचारल्यावर नीना म्हणाल्या, “दिग्दर्शक अनेकदा सिक्वेल चित्रपटांमध्ये तीच जादू दाखवण्यात अपयशी ठरतात. कारण लोकांच्या अपेक्षा खूप जास्त असतात. त्यांना तीच गोष्ट हवी असते, पण दिग्दर्शकांनी मनातल्या मनात कथा पूर्ण केलेली असते.”
66
'वध 2' चा ट्रेलर
'वध 2' चा ट्रेलर आधीच व्हायरल झाला आहे. सुमारे 10 दिवसांपूर्वी Luv Films च्या यूट्यूब चॅनलवर शेअर केलेल्या या ट्रेलरला आतापर्यंत 32,382,642 व्ह्यूज मिळाले आहेत. यामध्ये संजय मिश्रा आणि नीना गुप्ता यांचा जबरदस्त अभिनय पाहायला मिळतो.
