धुरंधर 2 टीझर रिलीज: रणवीर सिंगचा जबरदस्त लूक, 1.12 मिनिटात धुमाकूळ

रणवीर सिंगच्या बहुप्रतिक्षित 'धुरंधर 2' या चित्रपटाचा टीझर मंगळवारी प्रदर्शित झाला. दिग्दर्शक आदित्य धर यांच्या या चित्रपटाचा टीझर जबरदस्त आणि धमाकेदार आहे. संपूर्ण टीझरमध्ये रणवीर सिंग भाव खाऊन गेला आहे.  

रणवीर सिंग आणि दिग्दर्शक आदित्य धर यांच्या 'धुरंधर 2' या चित्रपटाचा टीझर प्रदर्शित झाला आहे. टीझर रिलीज होताच सोशल मीडियावर व्हायरल झाला आहे. टीझरमध्ये रणवीरचे दोन लूक पाहायला मिळत आहेत. दोन्ही लूकमध्ये तो धुमाकूळ घालताना दिसत आहे. त्याने हा टीझर व्हिडिओ आपल्या इंस्टाग्रामवर शेअर केला आहे. व्हिडिओ शेअर करत त्याने लिहिले - 'ये नया हिंदुस्तान है, ये घर में घुसेगा भी और मारेगा भी'. धुरंधर: द रिव्हेंज टीझर आऊट, #DhurandharTheRevenge १९ मार्च २०२६ रोजी जगभरातील चित्रपटगृहांमध्ये हिंदी, तेलुगू, तमिळ, कन्नड आणि मल्याळममध्ये प्रदर्शित होईल. चित्रपटाचा पहिला भाग 'धुरंधर' खूपच जबरदस्त होता आणि त्याने बॉक्स ऑफिसवर चांगली कमाई केली होती.

कसा आहे रणवीर सिंगच्या 'धुरंधर 2' चा टीझर?

रणवीर सिंगच्या 'धुरंधर 2' चित्रपटाचा टीझर खूपच दमदार आहे. टीझरच्या सुरुवातीला मृतदेह, बंदुका आणि रणवीरची नव्या लूकमध्ये एंट्री दाखवण्यात आली आहे. यात त्याचे केस लहान असून डोळे खूपच भीतीदायक दिसत आहेत. तो रुंद पट्ट्यांच्या टी-शर्टमध्ये हातात मोठी बंदूक घेऊन दिसत आहे. यानंतर त्याचा एक वेगळाच अंदाज पाहायला मिळतो. टीझर पाहून अंदाज लावता येतो की, यावेळी रणवीर आणखी शक्तिशाली दिसणार आहे. टीझरमध्ये जबरदस्त गोळीबार, धमाकेदार अॅक्शन, मारामारी, जाळपोळ पाहायला मिळत आहे. पुन्हा एकदा रणवीरचा 'धुरंधर' अॅक्शन पॅक्ड ड्रामा पाहायला मिळत आहे. टीझरमध्ये रणवीर व्यतिरिक्त संजय दत्त, आर. माधवन, अर्जुन रामपाल हे देखील दिसत आहेत. संपूर्ण टीझरच्या बॅकग्राउंडला लाऊड म्युझिक ऐकू येत आहे. शेवटी एक डायलॉग ऐकू येतो. सिगारेट ओढणाऱ्या रणवीरच्या बॅकग्राउंडला आवाज येतो - 'ये नया हिंदुस्तान है, ये घर में घुसेगा भी और मारेगा भी'.

कधी रिलीज होणार रणवीरचा 'धुरंधर 2' चित्रपट?

रणवीर सिंगचा 'धुरंधर 2' हा चित्रपट यावर्षी १९ मार्च रोजी चित्रपटगृहांमध्ये प्रदर्शित होईल. या चित्रपटात रणवीरसोबत संजय दत्त, अर्जुन रामपाल, सारा अर्जुन, राकेश बेदी, गौरव गेरा, मानव गोविल, दानिश पोद्दार, नवीन कौशिक मुख्य भूमिकेत दिसणार आहेत. यामध्ये अक्षय खन्ना देखील दिसू शकतो, असे म्हटले जात आहे. याचे निर्माते ज्योती देशपांडे, आदित्य धर आणि लोकेश धर आहेत आणि हा चित्रपट जिओ स्टुडिओज आणि बी62 स्टुडिओजच्या बॅनरखाली बनवण्यात आला आहे.

बॉक्स ऑफिसवर 'धुरंधर 2' ची या चित्रपटांशी टक्कर

'धुरंधर 2' चे लेखक आणि दिग्दर्शक आदित्य धर आहेत. रणवीर सिंगच्या या चित्रपटाची बॉक्स ऑफिसवर साऊथ सुपरस्टार यशचा चित्रपट 'टॉक्सिक: ए फेयरी टेल फॉर ग्रोन-अप्स' आणि आदिवी शेष-मृणाल ठाकूरचा चित्रपट 'डकैत' यांच्याशी टक्कर होईल. हे तिन्ही चित्रपट १९ मार्च रोजी जगभरातील चित्रपटगृहांमध्ये प्रदर्शित होत आहेत.