आशिष चंचलानीमुळे भारताची प्रतिमा मलीन? व्हायरल व्हिडिओमुळे का उडाला गोंधळ

यूट्यूबर आशिष चंचलानी इटलीतील स्पीड बोटवर शूट केलेल्या एका व्हिडिओमुळे ट्रोल होत आहे. व्हिडिओमध्ये त्याने एका व्यक्तीवर आक्षेपार्ह टिप्पणी केली होती, ज्यामुळे त्याच्यावर टीका होत आहे. आता त्याने तो व्हिडिओ डिलीट केला आहे.

YouTuber Ashish Chanchlani Video Controversy: आशिष चंचलानीला त्याच्या एका व्हिडिओमुळे खूप ट्रोल केले जात आहे. या यूट्यूबरने इटलीमध्ये स्पीड बोटवर एक व्हिडिओ शूट केला आहे, ज्यामध्ये तो एका स्थानिक ज्येष्ठ नागरिकावर चुकीचे आरोप लावताना दिसत आहे. यामुळे त्याला ऑनलाइन ट्रोलिंगचा सामना करावा लागत आहे.

आशिष चंचलानीच्या व्हिडिओवर युजर्सनी केली टीका

आशिष चंचलानीने आपल्या व्हिडिओमध्ये एका इटालियन व्यक्तीबद्दल अपमानजनक गोष्टी बोलल्या, त्याला 'ठरकी म्हातारा' म्हटले होते. यावर दुसऱ्या एका प्रसिद्ध यूट्यूबर रजतने (@ouramericandream.vlogs) क्लिपवर टीका करत म्हटले, “या माणसाचे १८ मिलियन फॉलोअर्स आहेत आणि हा बाहेर जाऊन असे वागत आहे.” अशा कमेंट्सनंतर आशिषने व्हिडिओ डिलीट केला.

फेसबुक अकाउंटवर शेअर केलेल्या व्हिडिओमध्ये, जो आता त्याने डिलीट केला आहे, तो इतर पर्यटकांसोबत स्पीडबोटवर दिसत आहे. तो म्हणताना दिसतो की, ही स्पीड बोट खूप हळू चालत आहे. तिचा ऑपरेटर आपल्या शेजारी बसलेल्या एका महिलेसोबत फ्लर्ट करण्यात व्यस्त आहे. आम्ही इटलीच्या समुद्रात सर्फिंग करत आहोत, पण हा 'ठरकी म्हातारा' बोटचा वेगच वाढवत नाहीये.

त्याने सांगितले की, जेव्हा तो त्या व्यक्तीला प्रश्न विचारत होता, तेव्हा त्याला काहीच उत्तर मिळाले नाही, पण जेव्हा महिलेने त्याला पास्ताबद्दल विचारले, तेव्हा त्याने लगेच उत्तर दिले. मग आशिषने कॅमेरा त्या माणसाकडे वळवला, जो त्याच्या शेजारील महिलेशी बोलत होता. आशिष हिंदीत म्हणाला, "आम्हालाही सांगा, आम्हीही पर्यटक आहोत." तो पुढे म्हणाला, "ही पुरुष जात आहे ना, खूप वाईट असते. संपूर्ण जगात सारखीच, आपण रंगाने विभागलेलो आहोत, पण हेतू तोच वाईट आहे. ठरकी म्हातारे, ठरकीच राहणार."

परदेशात भारताची प्रतिमा खराब करत आहेत

रविवारी, प्रसिद्ध यूट्यूबर रजतने आशिषचा व्हिडिओ शेअर केला आणि सांगितले की, १८ मिलियन फॉलोअर्स असूनही, आशिषला परदेशात काय बोलावे हे माहित नाही. तो म्हणाला की, त्याचे फॉलोअर्स, जे सुट्टीसाठी भारताबाहेर जातात, ते स्थानिक लोकांबद्दल कसे मत व्यक्त करू शकतात. रजत म्हणाला, “१८ मिलियन फॉलोअर्स असलेला हा माणूस... बाहेर जाऊन असे वागत आहे. विचार करा, त्याचे फॉलोअर्स काय म्हणतील, जेव्हा तेही भारत सोडून बाहेर जातील, तेव्हा तेही असेच वागतील का? आणि जेव्हा प्रकरण अंगाशी आले, तेव्हा कमेंट्समध्ये सांगत आहे की, 'मी त्या माणसाकडून परवानगी घेतली होती.' कशाची परवानगी? पुरावा काय आहे? आता तर तू बोलणारच, आता तू चूक केली आहेस, आता तू ती साफ करणार, बरोबर ना?”