Entertainment News: अभिनेते नट्यांना इतक्या सहज कसे उचलतात? पाहा हा व्हिडिओ

Entertainment News: चित्रपट आणि मालिकांमध्ये अभिनेते अभिनेत्रींना सहज उचलतात, त्या दृश्यांमागील सत्य वेगळेच आहे. ही अभिनेत्यांची खरी ताकद नसून, ग्रीन स्क्रीन तंत्रज्ञान आणि शूटिंगसाठी वापरल्या जाणाऱ्या टेबलाच्या आधारे हे चित्रित केले जाते. 

Entertainment News: ग्रीन स्क्रीन तंत्रज्ञान हे व्हिडिओ एडिटिंगमधील एक प्रभावी साधन आहे, ज्याचा वापर मुख्य विषयाच्या मागील हिरवा पडदा काढून टाकून हवी ती आभासी पार्श्वभूमी लावण्यासाठी केला जातो. हे तंत्रज्ञान चित्रपट, न्यूज चॅनेल्स आणि विविध प्रकारच्या व्हिडिओमध्ये पार्श्वभूमी बदलण्यासाठी वापरले जाते, ज्यामुळे एकाच ठिकाणी बसून विविध ठिकाणी शूटिंग केल्याचा भास निर्माण करता येतो. हिरवा रंग मानवी त्वचेच्या रंगात नसतो आणि तो कॅमेऱ्याच्या सेन्सरला सहज ओळखता येतो, त्यामुळे एडिटिंग करणे सोपे होते.

चित्रपटांमध्ये किंवा मालिकांमध्ये, अभिनेत्रीचे वजन कितीही असले तरी, अभिनेते तिला सहज उचलून इकडे-तिकडे फिरवतात, हवेत उचलून घेतात. हे पाहून प्रेक्षकांच्या काळजाचा ठोका चुकतो. हे कसे शक्य आहे, असा प्रश्नही पडतो. इतक्या सहज उचलण्याइतके सर्व अभिनेते बलवान असतात का, ते असे काय खातात, असे प्रश्न काहीजण विचारतात, तर काही महिला हे पाहून आपल्या पतीला टोमणे मारतात. तुम्हीही मला एकदा असेच उचला, असे आव्हानही त्या पतीला देतात.

हे खरं आहे का?

पण, खरंच मालिका आणि चित्रपटांमध्ये सर्वच अभिनेत्यांना अभिनेत्रीला इतक्या सहज उचलणे शक्य होते का? ते खरोखरच आपल्याला दिसतं तितक्या सहज उचलतात का? या प्रश्नाचे उत्तर 'नाही' असे आहे. यामागे शूटिंगचे तंत्रज्ञान दडलेले आहे. नायक-नायिकेला उचलण्याच्या दृश्यांमध्ये कशा प्रकारचा शूटिंग सेट वापरला जातो, ते पाहूया.

ग्रीन टेक्नॉलॉजी

याला ग्रीन टेक्नॉलॉजी म्हणतात. यामध्ये मागे हिरवा किंवा निळा पडदा लावून, त्यावर अभिनेत्रीला उचलल्याचे दाखवले जाते. प्रत्यक्षात, तिथे नायकाने नायिकेला फक्त हाताने धरलेले असते. तिला वर उचलण्याच्या वेळी खाली आधारासाठी टेबल इत्यादी वस्तू ठेवलेल्या असतात. शेवटी तो पडदा काढून प्रेक्षकांना दाखवल्यामुळे, आधारासाठी ठेवलेल्या सर्व वस्तू नाहीशा होतात आणि नायकाने नायिकेला सहज उचलल्यासारखे दिसते.

येथे एका मालिकेचा व्हिडिओ व्हायरल झाला आहे, तो पाहिल्यास असे दृश्य कसे चित्रित केले जाते हे तुम्हाला दिसेल. अभिनेता सुरजित कुमारने हा व्हिडिओ शेअर केला आहे.