आज सतीश शाह यांच्या पार्थिवावर अंत्यसंस्कार कधी, कुठे आणि केव्हा? वाचा सविस्तर

Satish Shah Funeral Details Time and Location : प्रसिद्ध अभिनेते-कॉमेडियन सतीश शाह यांचे शनिवारी निधन झाले. त्यांच्या अंत्यसंस्काराबाबत ताजी माहिती समोर आली आहे. त्यांचे अंत्यसंस्कार रविवार, २६ ऑक्टोबर रोजी होणार आहेत.

Satish Shah Funeral Details Time and Location : सर्वात लोकप्रिय अभिनेते सतीश शाह यांच्या निधनाने संपूर्ण चित्रपटसृष्टीला मोठा धक्का बसला आहे. सेलिब्रिटी सतत शोक व्यक्त करत त्यांना श्रद्धांजली वाहत आहेत. काहींचा तर ते आता आपल्यात नाहीत यावर विश्वासच बसत नाहीये. टीव्ही मालिकांव्यतिरिक्त अनेक उत्तम चित्रपटांचा भाग राहिलेल्या सतीश शाह यांनी इंडस्ट्रीतील प्रत्येक मोठ्या स्टारसोबत स्क्रीन शेअर केली होती. दरम्यान, त्यांच्या अंत्यसंस्काराबाबत सविस्तर माहिती समोर आली आहे.

सतीश शाह यांचे अंत्यसंस्कार कधी आणि कुठे होणार?

मिळालेल्या ताज्या माहितीनुसार, सतीश शाह यांचे पार्थिव शरीर सकाळी १० ते ११ या वेळेत वांद्रे येथील त्यांच्या निवासस्थानी अंत्यदर्शनासाठी ठेवण्यात येणार आहे. त्यांचे निवासस्थान गुरुकुल - १४ कलानगर, वांद्रे (पूर्व), मातोश्री जवळ, मुंबई येथे आहे. यानंतर त्यांचे पार्थिव शरीर मुंबईतील विलेपार्ले पश्चिम येथील पवन हंस स्मशानभूमीत नेण्यात येईल. दुपारी १२ वाजता त्यांच्यावर अंत्यसंस्कार करण्यात येणार असल्याचे सांगण्यात येत आहे. त्यांच्या अंत्यसंस्कारात अनेक बॉलिवूड आणि टीव्ही कलाकारांच्या उपस्थितीची शक्यता आहे. काजोल, जेडी मजेठिया, करण जोहर, फराह खान, मधुर भांडारकर, सनी देओल आणि इतर अनेक सेलिब्रिटींनी सतीश शाह यांच्या निधनावर शोक व्यक्त केला आहे. अमिताभ बच्चन, जया बच्चन, शाहरुख खान, सलमान खान, आमिर खान, गोविंदा, डेव्हिड धवन आणि इतर अनेक कलाकारांसोबत त्यांची घट्ट मैत्री होती.

सतीश शाह यांच्याबद्दल

सतीश शाह हे टीव्ही आणि चित्रपट जगतातील एक प्रसिद्ध अभिनेते होते. त्यांनी आपल्या अभिनय कारकिर्दीची सुरुवात चित्रपटांमधून केली. ते पहिल्यांदा १९७६ मध्ये आलेल्या 'बोंगा' या चित्रपटात दिसले होते. त्यानंतर त्यांनी अरविंद देसाई की अजीब दास्तां, गमन, उमराव जान, शक्ती, जाने भी दो यारो, पुराना मंदिर, मैं बलवान, जान हथेली पे, मालामाल, घर घर की कहानी, भगवान दादा, थानेदार, नरसिम्हा, आशिक आवारा, बाजी, हम साथ साथ है, हम आपके हैं कौन, मैं हूं ना यांसारख्या अनेक चित्रपटांमध्ये काम केले. त्यांनी टीव्हीवरही आपली जादू दाखवली होती. ते १९८४ मध्ये आलेल्या 'ये जो है जिंदगी' या टीव्ही मालिकेत दिसले. या मालिकेत त्यांनी जवळपास ५५ भूमिका साकारल्या होत्या. याशिवाय ते 'घर जमाई', 'साराभाई वर्सेस साराभाई', 'कॉमेडी सर्कस' या मालिकांमध्येही दिसले. त्यांना अभिनयासाठी अनेक पुरस्कारही मिळाले होते.