Sitare Zameen Par Collection : आमिरच्या 'सितारे जमीन पर'ने गाठला 100 कोटींचा पल्ला!

मुंबई - बॉलिवूड अभिनेता आमिर खानच्या 'सितारे जमीन पर' या चित्रपटाने ९ दिवसांत १०० कोटींचा टप्पा ओलांडला आहे. चित्रपटाला हळूहळू चांगला प्रतिसाद मिळत आहे. दुसऱ्या शनिवारी चित्रपटाने १२.७५ कोटींची कमाई केली. चित्रपटाची एकूण कमाई १०८.३० कोटी झाली आहे.

'सितारे जमीन पर'ने पहिल्या ८ दिवसांत बॉक्स ऑफिसवर चांगली कामगिरी करत ₹९५.५५ कोटींची कमाई केली. ९ व्या दिवशी चित्रपट १०० कोटींच्या क्लबमध्ये दाखल झाला आहे. चित्रपट सातत्याने चांगली कमाई करत आहे.

सैकनिल्कच्या मते, चित्रपटाने शुक्रवारी (२७ जून) बॉक्स ऑफिसवर आपली पकड कायम ठेवली आणि ६.६५ कोटी रुपये मिळवून ८ दिवसांत एकूण ९५.५५ कोटी रुपयांचा कलेक्शन केला आहे. या चित्रपटाला बघण्यासाठी प्रेक्षक कुटुंबाला घेऊन जात असल्याने त्याचा फायदा होत असल्याचे दिसून येत आहे.

कन्नप्पा आणि काजोलच्या मां या चित्रपटाच्या प्रदर्शनानंतरही, 'सितारे जमीन पर'ने बॉक्स ऑफिसवर आपले वर्चस्व कायम ठेवले आहे. येथे 'सितारे जमीन पर'चा ९ व्या दिवसाचे बॉक्स ऑफिस कलेक्शन आणि ऑक्युपन्सी शेअर केली जात आहे.

'सितारे जमीन पर'ला शनिवारी, २८ जून, २०२५ रोजी एकूण ३२.२७% हिंदी ऑक्युपन्सी मिळाली. नवव्या दिवसाची ऑक्युपन्सी सकाळच्या शो: १५.५०%, दुपारच्या शो: ३४.७८%, संध्याकाळच्या शो: ४६.५४% होती. रात्रीचे आकडे २९ जून रोजी सकाळी मिळतील.

'सितारे जमीन पर' बॉक्स ऑफिस कलेक्शनने ९व्या दिवशी नवा विक्रम रचला आहे. आमिर खानचा हा चित्रपट अधिकृतपणे १०० कोटी रुपयांच्या क्लबमध्ये सामील झाला आहे. आता चित्रपट पुढचा कोणता पल्ला गाठतो हे बघण्यासारखे आहे.

'सितारे जमीन पर'ने प्रदर्शनाच्या दुसऱ्या शनिवारी, ९व्या दिवशी १२.७५ कोटींची (प्राथमिक अंदाज) कमाई केली आहे. त्यामुळे एकूण कमाई १०८.३० कोटी झाली आहे.

'सितारे जमीन पर' हा २०१८ च्या स्पॅनिश चित्रपट 'कॅम्पियोन्स'चा हिंदी रिमेक आहे. चित्रपटाला समीक्षकांकडून सकारात्मक प्रतिसाद मिळाला आहे.