अभिनेता अजाज खान यांच्या पत्नीला अटक

ड्रग्ज प्रकरणी अभिनेता अजाज खान यांच्या पत्नी फालन गुलीवाला यांना कस्टम्स विभागाने अटक केली आहे. मुंबईतील त्यांच्या निवासस्थानी छापेमारी करून ड्रग्ज जप्त करण्यात आले आहेत. 

मुंबई: ड्रग्ज प्रकरणी अभिनेता अजाज खान यांच्या पत्नी फालन गुलीवाला यांना कस्टम्स विभागाने अटक केली आहे. मुंबईतील त्यांच्या निवासस्थानी अधिकाऱ्यांनी केलेल्या छापेमारीत विविध ड्रग्ज जप्त करण्यात आल्याची माहिती आहे.

एक युरोपीय देशातून कुरियरद्वारे १०० ग्रॅम मेफेड्रोन (एमडी) हे ड्रग्ज तस्करी केल्याप्रकरणी खान यांचे कार्यालयीन कर्मचारी सूरज गौडा याला ८ ऑक्टोबर रोजी एजन्सीने अटक केल्यानंतर ही छापेमारी आणि अटक करण्यात आली. अंधेरी येथील अजाज खान यांच्या कार्यालयात ड्रग्ज पोहोचवल्यानंतर गौडा याला ताब्यात घेण्यात आले.

आपल्या चौकशीत अजाज खान यांच्या पत्नी फालन गुलीवाला यांचा ड्रग्ज तस्करीत सहभाग असल्याची गुप्त माहिती मिळाल्याचे कस्टम्स अधिकाऱ्यांनी सांगितले. या माहितीच्या आधारे, गुरुवारी चौकशी एजन्सीने तिच्या जोगेश्वरी येथील फ्लॅटवर छापा टाकला आणि सुमारे १३० ग्रॅम गांजा आणि इतर प्रतिबंधित पदार्थ जप्त केले.

गुलीवाला यांना अटक केल्यानंतर, खान यांच्या घरातून सापडलेल्या ड्रग्ज आणि अंधेरी येथील कार्यालयात आणलेल्या ड्रग्ज पार्सलबद्दल चौकशी करण्यासाठी अजाज खान यांनाही चौकशीसाठी बोलावण्यात येणार आहे. मात्र, या प्रकरणी अजाज खान यांनी अद्याप कोणतीही प्रतिक्रिया दिलेली नाही. 

अजाज खान हे बॉलिवूड चित्रपट आणि टीव्ही शोमध्ये काम करणारे कलाकार आहेत. बिग बॉस शोच्या सातव्या पर्वातही ते सहभागी झाले होते. रक्त चरित्र, अल्लाह के बंदे यांसारख्या चित्रपटांत त्यांनी काम केले आहे, तसेच रहें तेरा आशीर्वाद, कहानी हमारे महाभारत की यांसारख्या अनेक टेलिव्हिजन मालिकांमध्येही त्यांनी भूमिका केल्या आहेत. कॉमेडी नाइट्स विथ कपिल या टीव्ही शोमध्येही त्यांच्या उपस्थितीमुळे वाद निर्माण झाला होता.