Viral Video Baghpat: भररस्त्यात महिलेने अल्पवयीन मुलाला बेदम मारहाण केली
सार
उत्तर प्रदेशच्या बागपतमधील एक धक्कादायक व्हिडिओ सोशल मीडियावर व्हायरल झाला आहे. यात एक महिला भरबाजारात एका अल्पवयीन मुलाला बेदम मारहाण करताना दिसत आहे. या घटनेमुळे सर्वत्र संताप व्यक्त केला जात आहे.
उत्तर प्रदेशच्या बागपतमधील एका गजबजलेल्या बाजारात एका महिलेने अल्पवयीन मुलाचे केस ओढून त्याला बेदम मारहाण केल्याचा धक्कादायक व्हिडिओ सोशल मीडियावर व्हायरल झाला आहे. या घटनेमुळे लोकांमध्ये मोठी खळबळ उडाली आहे. या व्हिडिओमध्ये एक महिला काळ्या रंगाच्या दुचाकीजवळ बसलेल्या एका मुलावर वाकलेली दिसते. ती दोन्ही हातांनी त्या मुलाचे केस पकडून त्याचे डोके खाली वाकवते आणि त्याच्या डोक्यावर आणि पाठीवर सपासप चापटा मारताना दिसत आहे.
An Empowered woman is publicly beating a minor child in Baraut area of Baghpat district in UP. But, @baghpatpolice police is saying that they do not know about the identity of the woman so they can not take any action against her. https://t.co/n6RYkU26TG
— NCMIndia Council For Men Affairs (@NCMIndiaa) October 12, 2026
बाजारात उपस्थित असलेल्या काही लोकांनी मध्यस्थी करून या महिलेला थांबवण्याचा प्रयत्न केला. पण तरीही ती महिला त्या मुलाला मारहाण करतच राहिली, असे या व्हायरल व्हिडिओमध्ये दिसत आहे.
या घटनेची सत्यता जाणून घेण्यासाठी सोशल मीडिया युजर्सनी बागपत पोलिसांना टॅग करत विचारणा केली. त्यांनी लिहिले, "@baghpatpolice कृपया आम्हाला यामागचे सत्य सांगा."
बागपत पोलिसांचे स्पष्टीकरण
या व्हायरल व्हिडिओवर बागपत पोलिसांनी स्पष्टीकरण दिले आहे. पोलिसांनी दिलेल्या माहितीनुसार, ही घटना १२ सप्टेंबर रोजी गांधी चोपला येथे घडली. या मुलाने महिलेचा मोबाईल चोरला होता. त्यानंतर महिलेने त्याला पकडले आणि आपला मोबाईल परत मिळवला. त्यानंतर तिने त्याला मारहाण केली.
एक्स (X) या सोशल मीडिया प्लॅटफॉर्मवर पोलिसांनी एक पोस्ट शेअर केली आहे. बडौत पोलीस ठाण्याने या व्हिडिओची चौकशी करून घटनेची संपूर्ण माहिती घेतली असल्याचे पोलिसांनी सांगितले.
अवगत कराना है कि वायरल वीडियो की थाना बड़ौत पुलिस द्वारा जांच की गई। जांच में प्रकाश में आया कि दिनांक 12.09.2026 को गांधी चोपला पर उक्त लड़का एक महिला का मोबाइल फोन चोरी कर भाग रहा था, तभी महिला ने उसे पकड़कर मोबाइल वापस ले लिया। इस दौरान लड़के के साथ मारपीट हुई। उक्त लड़के के नशे का आदी होने की जानकारी भी प्राप्त हुई है। वीडियो में दिखाई दे रही महिला के संबंध में अभी कोई जानकारी प्राप्त नहीं हो सकी है।
— Baghpat Police (@baghpatpolice) October 12, 2026
पोलिसांनी दिलेल्या माहितीनुसार, हा मुलगा अमली पदार्थांच्या आहारी गेला असल्याची माहितीही समोर आली आहे. मात्र, व्हिडिओमध्ये दिसणाऱ्या महिलेची ओळख अद्याप पटलेली नाही. तिच्याबद्दल कोणतीही माहिती मिळाली नसल्याचे पोलिसांनी स्पष्ट केले आहे.