IndiGo Flight Fire: दिल्ली-चेन्नई इंडिगो विमानात पॉवर बँकचा स्फोट, हैदराबादमध्ये इमर्जन्सी लँडिंग
सार
दिल्लीहून चेन्नईला जाणाऱ्या इंडिगो विमानात एका प्रवाशाच्या पॉवर बँकला आग लागल्याने एकच खळबळ उडाली. यानंतर विमानाचे हैदराबादमध्ये इमर्जन्सी लँडिंग करण्यात आले. केबिन क्रूने वेळीच आग विझवल्याने मोठा अनर्थ टळला असून सर्व प्रवासी सुरक्षित आहेत.
रविवारी, ११ ऑक्टोबरला दिल्लीहून चेन्नईला जाणाऱ्या इंडिगो विमानात अचानक एका पॉवर बँकला आग लागली. यामुळे विमानात एकच गोंधळ उडाला. केबिन क्रूने तातडीने पावले उचलत परिस्थिती नियंत्रणात आणली. यानंतर विमानाचा मार्ग बदलून ते हैदराबादला वळवण्यात आले. '6E 6115' या क्रमांकाचे हे विमान दिल्ली-चेन्नई मार्गावर असताना त्यात धूर दिसू लागला. या घटनेनंतर विमान हैदराबादला वळवण्यात आल्याची पुष्टी अधिकृत सूत्रांनी केली आहे. विमानाचे सुरक्षित लँडिंग झाले असून सर्व प्रवासी आणि क्रू मेंबर्स सुखरूप आहेत.
🇮🇳 A passenger's power bank CAUGHT FIRE inside an IndiGo flight’s overhead bin... 🔥
Flight 6E 6115, traveling from Delhi to Chennai, was diverted to Hyderabad after passengers noticed flames coming from someone’s stored luggage.
A device small enough to fit in your pocket just forced an entire plane to land.
Source: Hindustan Times / Writer: Marie https://t.co/Nm2IRbKPsu
— Mario Nawfal (@MarioNawfal) October 11, 2026
IndiGo flight 6E6115 from #Delhi to #Chennai was diverted to #Hyderabad on October 11 after a power bank reportedly caught fire onboard. The cabin crew used a fire extinguisher to contain the blaze. The Airbus A321neo (VT-NOE) departed at 1:30 PM and was scheduled to land in Chennai at 4 PM. The exact time and location of the fire, and details of any injuries, remain unconfirmed.
— Ashish (@KP_Aashish) October 11, 2026
ओव्हरहेड लगेज कंपार्टमेंटमध्ये लागली आग
मिळालेल्या माहितीनुसार, प्रवाशांच्या डोक्यावर असलेल्या ओव्हरहेड लगेज कंपार्टमेंटमध्ये ठेवलेल्या पॉवर बँकला ही आग लागली. यामुळे प्रवाशांमध्ये भीतीचे वातावरण निर्माण झाले. एका प्रवाशाने मोबाईलवर रेकॉर्ड केलेल्या व्हिडिओमध्ये काही लोक आपल्या बॅगांच्या मदतीने आग विझवण्याचा प्रयत्न करताना दिसत आहेत.
केबिन क्रूने अग्निशामक यंत्राचा (फायर एक्स्टिंग्विशर) वापर करून आग विझवली. विमानाचे हैदराबादमध्ये सुरक्षित लँडिंग होण्यापूर्वीच परिस्थिती नियंत्रणात आली होती.
हे विमान एअरबस A321neo (रजिस्ट्रेशन VT-NOE) होते. दुपारी १.३० च्या सुमारास या विमानाने दिल्लीहून उड्डाण केले होते आणि ते संध्याकाळी ४ वाजता चेन्नईला पोहोचणार होते. पॉवर बँकला आग नेमकी कधी आणि कशी लागली, हे अद्याप स्पष्ट झालेले नाही. तसेच, यात कोणी जखमी झाल्याचीही माहिती सध्या उपलब्ध नाही.
एएनआय या वृत्तसंस्थेने इंडिगोच्या प्रवक्त्यांचा हवाला देत म्हटले आहे, "दिल्लीहून चेन्नईला जाणाऱ्या इंडिगोच्या 6E 6115 या विमानात एका प्रवाशाच्या इलेक्ट्रॉनिक उपकरणातून धूर निघत असल्याचे लक्षात आले. यानंतर विमान हैदराबादला वळवण्यात आले. केबिन क्रूने तातडीने कारवाई करत परिस्थिती नियंत्रणात आणली. ठरलेल्या प्रोटोकॉलनुसार, पायलटने विमानाचा मार्ग बदलला आणि हैदराबादच्या राजीव गांधी आंतरराष्ट्रीय विमानतळावर सुरक्षित लँडिंग केले. प्रवाशांना चेन्नईला पोहोचवण्यासाठी दुसऱ्या विमानाची व्यवस्था करण्यात आली आहे. या अनपेक्षित घटनेमुळे प्रवाशांना झालेल्या त्रासाबद्दल आम्ही दिलगीर आहोत. प्रवाशांना रिफ्रेशमेंट देणे आणि वेळोवेळी माहिती देणे यासह सर्वतोपरी मदत आम्ही करत आहोत. इंडिगोसाठी आमच्या प्रवाशांची आणि क्रूची सुरक्षा हीच आमची प्राथमिकता आहे."
सर्व प्रवासी आणि क्रू मेंबर्स सुरक्षित
विमानाचा मार्ग बदलल्यामुळे या आणीबाणीच्या प्रसंगात विमानाचे सुरक्षित लँडिंग करणे शक्य झाले. या इमर्जन्सी लँडिंगनंतर सर्व प्रवासी आणि क्रू मेंबर्स सुरक्षित असल्याचे सांगण्यात आले आहे.
या घटनेमुळे पॉवर बँकसारख्या पोर्टेबल इलेक्ट्रॉनिक उपकरणांमधील लिथियम-आयन बॅटरी जास्त गरम झाल्यावर किंवा खराब झाल्यावर किती धोकादायक ठरू शकतात, याकडे पुन्हा एकदा लक्ष वेधले गेले आहे.
या घटनेबाबत आणि पॉवर बँकला आग लागण्याच्या कारणांबाबत अधिक माहितीची प्रतीक्षा आहे.
(एजन्सी इनपुट्ससह)