Satara Crime : साताऱ्यातील महिला डॉक्टरची आत्महत्या; हातावरील सुसाईड नोटमध्ये पोलीस उपनिरीक्षक आणि हवालदारवर गंभीर आरोप

Satara Crime : फलटण उपजिल्हा रुग्णालयातील महिला डॉक्टरने आत्महत्या केली असून, त्यांच्या हातावर सुसाईड नोटमध्ये पोलीस उपनिरीक्षक आणि हवालदारवर गंभीर आरोप उघड झाले आहेत.  

Satara Crime : साताऱ्यातील फलटण उपजिल्हा रुग्णालयातील महिला डॉक्टरने गुरुवारी रात्री आपल्या जीवनाचा अंत केला. ही घटना समोर आल्याने रुग्णालयात आणि स्थानिक प्रशासनात खळबळ उडाली आहे. मृत्यूपूर्वी महिला डॉक्टरने आपल्या हातावर सुसाईड नोट लिहिली होती, ज्यामध्ये आत्महत्येचे कारण आणि दोषींची नावे नमूद केली होती.

 सुसाईड नोटमधील आरोप

सुसाईड नोटमध्ये डॉक्टरने आपल्या मृत्यूसाठी पोलीस उपनिरीक्षक गोपाल बदने आणि हवालदार प्रसाद बनकर यांना जबाबदार ठरवले आहे. नोटमध्ये तिने गोपाल बदनेने चार वेळा तिच्यावर अत्याचार केल्याचा उल्लेख केला आहे, तर प्रसाद बनकरकडून मानसिक आणि शारीरिक त्रास झाला असल्याचा आरोप केला आहे.

मानसिक तणावाचे कारण

माहितीनुसार, महिला डॉक्टर काही दिवसांपासून पोलीस आणि आरोग्य विभागाच्या वादात अडकलेल्या होत्या. वैद्यकीय तपासणीसंदर्भातील चौकशीमुळे त्या गंभीर मानसिक तणावाखाली होत्या. त्यांनी वरिष्ठांशी अनेकदा तक्रार केली होती की माझ्यावर अन्याय होत आहे आणि माझ्या आयुष्याची अखेर होऊ शकते. मात्र, त्यांच्या तक्रारीला आवश्यक ती दखल दिली गेली नाही.

रुग्णालयातील माहिती

फलटण उपजिल्हा रुग्णालयात वैद्यकीय अधिकारी म्हणून कार्यरत असलेल्या या डॉक्टरचा मूळ ठिकाण बीड जिल्हा असून त्या अविवाहित होत्या. त्या फलटण शहरातील विद्यानगर परिसरात पेईंग गेस्टमध्ये राहत होत्या. घटनास्थळ शहरातील एका प्रतिष्ठित हॉटेलमध्ये होते.