MDMA Seizure: फॅशन फोटोग्राफरला MDMA सह अटक; कारमधून १५ लाख रुपये जप्त

एर्नाकुलमच्या काक्कनाडमध्ये एका फॅशन फोटोग्राफरला MDMA या अमली पदार्थासह अटक करण्यात आली आहे. अरुण के नायर असे या आरोपीचे नाव असून, त्याच्या कारमधून १५ लाख रुपयेही जप्त करण्यात आले आहेत.

एर्नाकुलम: एर्नाकुलममधील काक्कनाड येथे एका फॅशन फोटोग्राफरला MDMA या अमली पदार्थासह अटक करण्यात आली आहे. कोट्टायमचा रहिवासी असलेल्या अरुण के नायर याला उत्पादन शुल्क विभागाने (Excise Department) बेड्या ठोकल्या आहेत. हा आरोपी चित्रपटसृष्टीतील लोक आणि आयटी प्रोफेशनल्सना ड्रग्ज विकत असल्याची माहिती तपासात समोर आली आहे. त्याच्याकडून ३८.१३ ग्रॅम MDMA जप्त करण्यात आले असून, त्याच्या होंडा सिटी कारमधून तब्बल १५ लाख रुपयांची रोकडही सापडली आहे.

काक्कनाड परिसरात राहणाऱ्या सिनेसृष्टीतील लोकांना तो प्रामुख्याने ड्रग्ज पुरवत होता. याशिवाय, आयटी प्रोफेशनल्स आणि विद्यार्थीही त्याच्याकडून ड्रग्ज विकत घेत होते. तो एका ग्रॅम MDMA साठी ३००० रुपये आकारत असे. कारमध्ये सापडलेले १५ लाख रुपये हे ड्रग्ज विकूनच कमावल्याचे उघड झाले आहे. अरुण हा या ड्रग्ज रॅकेटमधील फक्त एक मोहरा असून, यामागील मुख्य सूत्रधारांचा शोध सुरू असल्याचे उत्पादन शुल्क विभागाने सांगितले. कोचीमधील या ड्रग्ज माफियांच्या मुसक्या आवळण्यासाठी आता तपास मोहीम अधिक तीव्र करण्यात आली आहे.