इराणच्या राष्ट्रपती आणि परराष्ट्रमंत्र्यांचा हेलिकॉप्टर अपघातात मृत्यू झाला आहे. राष्ट्रपतींचे हेलिकॉप्टर अपघातग्रस्त कसे झाले, हा सर्वांना प्रश्न पडला आहे.
हेलिकॉप्टर अपघातामागे इराणचा निष्काळजीपणा तर नाही ना हा प्रश्न उपस्थित केला जात आहे. इराणच्या हवाई विभागाचा इतिहास चांगला नसल्याचे सांगण्यात येत आहे.
इब्राहिम रईसी हे अमेरिकन मेड असलेल्या बेल 212 या हेलिकॉप्टरमध्ये बसलेले होते. 1979 च्या क्रांतीनंतर हे हेलिकॉप्टर इराणला विकू शकत नव्हते.
बेल 212 चा ट्रॅक रेकॉर्ड चांगला नसल्याचे सांगण्यात आले आहे. याआधी 2023 मध्ये दुबईच्या समुद्रकिनाऱ्यावर त्याचा अपघात झाला होता.
इराणला प्रतिबंध असल्यामुळे ते पश्चिमी देशांकडून विमान खरेदी करू शकत नव्हते. 1990 च्या दशकात इराण हेलिकॉप्टर कमी असल्याच्या प्रश्नावरून त्रासला होता.
इराणमध्ये असणाऱ्या अनेक विमानांचे वय 20 ते 30 वर्ष असून त्यांचा कालावधी संपला आहे. त्यामुळे येथे दुर्घटना होण्याची शक्यता दाट आहे.