महाराष्ट्र निवडणूक निकाल 2024: 10 VIP मध्ये कोण विजयी आणि कोण पराभूत?

ठाण्याच्या पाचपाखाडी मतदारसंघातून मुख्यमंत्री एकनाथ शिंदे भरघोस मतांनी विजयी झाले आहेत, तर ठाकरे गटाचे केदार दिघे पराभूत झाले आहेत.

नागपूर दक्षिण पश्चिममधून उपमुख्यमंत्री देवेंद्र फडणवीसांचा दणदणीत विजय झाला आहे. तर काँग्रेसच्या प्रफुल गुडधे यांचा पराभव झाला आहे.

बारामती मतदारसंघातून राष्ट्रवादीचे उमेदवार अजित पवार विजयी झाले आहेत त्यांनी राष्ट्रवादी काँग्रेस शरद पवार गटाच्या युगेंद्र पवारांचा पराभव केला आहे.

वरळीतून शिवसेना यूबीटीचे आदित्य ठाकरे विजयी झाले आहेत. त्यांनी शिवसेनेचे मिलिंद देवरा यांचा पराभव केला.

माहिममध्ये अमित ठाकरेंचा पराभव झाला असून ठाकरे गटाचे महेश सावंत हे विजयी झाले आहेत. मनसे प्रमुख राज ठाकरे यांचा मुलगा अमित ठाकरे माहीममधून निवडणूक लढवत आहेत. 

काँग्रेसचे प्रदेशाध्यक्ष नाना पटोले साकोलीतून विजयी झाले आहेत. त्यांनी भाजपचे अविनाश ब्राह्मणकर यांना पराभूत केले आहे.

राष्ट्रवादीचे दिवंगत नेते अजित पवार गट बाबा सिद्दीकी यांचा मुलगा झीशान सिद्दीकी वांद्रा पूर्व, मुंबईतून पराभूत झाला. शिवसेना (यूबीटी) वरुण सरदेसाई हे विजयी झाले आहेत.

कामठी मतदारसंघातून भाजपचे ज्येष्ठ नेते चंद्रशेखर बावनकुळे हे विजयी झाले आहेत. त्यांनी काँग्रेसचे सुरेश भोयर यांचा पराभव केला आहे.

राष्ट्रवादी (अजित पवार गट) ज्येष्ठ नेते नवाब मलिक हे मानखुर्द शिवाजी नगरमधून पराभूत झाले आहेत. सपाचे अबू आझमी हे विजयी झाले आहेत.

बारामती मतदारसंघातून राष्ट्रवादी काँग्रेस शरद पवार गटाच्या युगेंद्र पवार यांचा पराभव झाला असून त्यांचे काका राष्ट्रवादीचे उमेदवार अजित पवार विजयी झाले आहेत.

.