Lifestyle
Winter Special Recipe : खमंग मटार कचोरी, जाणून घ्या स्टेप बाय स्टेप रेसिपी
हिवाळ्यामध्ये बाजारात मटारची आवक मोठ्या प्रमाणात असते. तसे पाहायला गेले तर मटारच्या कित्येक रेसिपी आहेत, पण हिवाळ्यात मटार कचोरीवर ताव मारणाऱ्या खवय्यांची संख्या भलीमोठी आहे.
2 कप मैदा, 1/4 कप तूप, बेकिंग सोडा, पाणी, मीठ, 1 कप मटार, 1 चमचा जीरे/बडिशेप, लसणाच्या दोन पाकळ्या, 1 मोठा चमचा तेल, अर्धा चमचा किसलेले आले/ मिरची, लाल मसाला, कोथिंबीर, गरम मसाला.
एका भांड्यामध्ये मैदा, तूप, बेकिंग सोडा आणि मीठ मिक्स करा. यानंतर हळूहळू पाणी मिक्स करून पीठ मळा. यानंतर ओल्या कापडाने 15-20 मिनिटे पीठ झाकून ठेवा.
मटार मऊ होईपर्यंत शिजवून घ्या. एक पॅनमध्ये तेल गरम करत ठेवा, त्यात जीरे-बडिशेप, लसूण-आले आणि कापलेली मिरची मिक्स करा. यानंतर शिजवलेले मटार मिक्स करून सारण तयार करा.
मटारमध्ये लाल मसाला, गरम मसाला व मीठ मिक्स करून मिश्रण शिजू द्यावे. मिश्रण थंड झाल्यानंतर मिक्सरमध्ये वाटा. त्यामध्ये कोथिंबीर व चाट मसालाही मिक्स करा.
पुऱ्या लाटून त्यामध्ये कचोरीचे सारण भरा. यानंतर गरम तेलामध्ये कचोरी तळून घ्या.
गरमागरम मटार कचोरीचा चटणीसोबत आस्वाद घ्या. चहासोबतही आपण कचोरी खाऊ शकता.