Lifestyle
WhatsApp वापरताना ही चूक करणे टाळा, नाहीतर बँक खाते होईल रिकामे
व्हॉट्सअ‍ॅपने यंदाच्या वर्षात स्क्रीन शेअरिंग फीचर लाँच केले आहे. या फीचरच्या माध्यमातून तुम्ही तुमच्या फोनची स्क्रीन दुसऱ्या व्यक्तीसोबत शेअर करू शकता.
स्क्रीन शेअरिंग फीचरमुळे तुम्हाला दुसऱ्या युजरच्या फोनच्या स्क्रीनचा अ‍ॅक्सेस मिळेल. पण एखाद्या अज्ञात व्यक्तीसोबत या फीचरचा वापर करणे तुम्हाला महागात पडू शकते.
स्क्रीन शेअरिंग फीचरमुळे ऑनलाइन फसवणूक करणाऱ्यांना कोणत्याही ओटीपीची गरज भासणार नाही. ते सहज तुमच्या बँक खात्यातून पैसे लंपास करू शकतात.
आतापर्यंत बहुतांशजणांना स्क्रीन शेअरिंग फीचरच्या माध्यमातून फसवल्याची प्रकरणे समोर आली आहेत. यामुळे या फीचरचा वापर करताना विचारपूर्वक करा.
तुमची ऑनलाइन फसवणूक होऊ नये म्हणून काही गोष्टींची काळजी घेतली पाहिजे. खरंतर अज्ञात क्रमांकावरून व्हॉट्सअ‍ॅपवर व्हिडीओ कॉल किंवा फोन आल्यास तो उचलू नका.
अज्ञात व्यक्तीने फोनमधील स्क्रीन शेअरिंगचा पर्याय सुरू करण्यास सांगितल्यास तसे करू नका. याशिवाय समोरच्या व्यक्तीने स्क्रीन शेअरिंगची रिक्वेस्ट पाठवली तरीही ती स्विकारू नका.
तुम्ही चुकूनही स्क्रीन शेअरिंग फीचर सुरू केले असल्यास फसवणूकदार तुमचा फोन पूर्णपणे कंट्रोल करू शकतो. याशिवाय तुमच्या फोनचा पासवर्ड आणि ओटीपीही सहज मिळवू शकतो.
तुम्ही कोणत्याही अज्ञात व्यक्तीसोबत बँक खाते क्रमांक, आपला पासवर्ड, क्रेडिट-डेबिट कार्ड आणि ओटीपी संबंधित माहिती देणे टाळा. अन्यथा तुमची ऑनलाइन फसवणूक होऊ शकते.