Lifestyle
एक चूक आणि 71 लाख WhatsApp अकाउंट बंद? जाणून घ्या काय आहे प्रकरण
सोशल मीडिया प्लॅटफॉर्म व्हॉट्सअ‍ॅपने भारतात नोव्हेंबर, 2023 मध्ये 71 लाखांहून अधिक युजर्सचे अकाउंट बंद केले. ही कार्यवाही आयटी नियम 2021चे पालन न केल्याने करण्यात आली आहे.
आयटी नियम 2021 नुसार सोशल मीडियातील सर्व बड्या कंपन्यांना प्रत्येक महिन्याला युजर सेफ्टी रिपोर्ट जारी करावा लागतो. यामध्ये तक्रारीसह करण्यात आलेल्या कार्यवाहीबद्दल सांगावे लागते.
1 नोव्हेंबर ते 30 नोव्हेंबर, 2023 दरम्यान व्हॉट्सअ‍ॅपने भारतातील 71 लाख 96 हजार अकाउंट्स बंद केले. यापैकी 19 लाख 54 हजार अकाउंट तक्रारी निरीक्षणाअंतर्गत बंद केले आहेत.
नोव्हेंबरमध्ये व्हॉट्सअ‍ॅपकडे 8 हजार 841 तक्रारी आल्या होत्या. अशातच प्रत्येक महिन्याला युजरने जर व्हॉट्सअ‍ॅपच्या नियम व अटींचे पालन न केल्यास त्याचे खाते बंद होऊ शकते.
तुम्ही व्हॉट्सअ‍ॅपवर न्यूडिटी, फसवणूक, चोरी आणि देशाविरोधातील कोणत्याही प्रकारच्या अ‍ॅक्टिव्हिटीमध्ये सहभागी असल्यास तुमचे अकाउंट बंद होऊ शकते.
व्हॉट्सअ‍ॅपने गेल्या वर्षात युजर्सची सुरक्षितता पाहून काही नवे फिचर्स लाँच केले होते. यामध्ये चॅट लॉक, ईमेल आयडी लिंक, Passkey सारख्या फिचर्सचा समावेश आहे.
तुम्ही ईमेल आयडी व्हॉट्सअ‍ॅप अकाउंटला लिंक केले नसल्यास ते करून घ्या. यामुळे तुम्ही ईमेलच्या माध्यमातूनही व्हॉट्सअ‍ॅप अकाउंटसाठी लॉगइन करू शकता.