पाण्यामुळं चेहरा खराब होऊ नये म्हणून काय करायला हवं?

अतिशय गरम पाणी त्वचेतील नैसर्गिक तेलं काढून टाकतं, तर खूप थंड पाणी रक्ताभिसरणावर परिणाम करू शकतं. चेहरा धुण्यासाठी कोमट पाणी सर्वोत्तम आहे.

हार्ड वॉटरमुळे त्वचेवर साबणाचे किंवा खनिजांचे थर बसू शकतात. सौम्य फेसवॉश वापरल्याने ते थर निघून जातात आणि त्वचा मऊ राहते.

वारंवार पाणी लावल्याने त्वचेतील नैसर्गिक ओलावा कमी होतो. दिवसातून जास्तीत जास्त दोन वेळाच चेहरा धुवा.

जर पाण्यात जास्त प्रमाणात मीठ किंवा क्लोरिन असेल, तर फिल्टर केलेलं किंवा उकळून थंड केलेलं पाणी चेहरा धुण्यासाठी वापरा.

पाणी त्वचेतील ओलावा कमी करतं, त्यामुळे चेहरा धुतल्यानंतर लगेच मॉइश्चरायझर लावल्याने त्वचा हायड्रेट राहते.

अंघोळीनंतर चेहऱ्यावरचं पाणी जास्त वेळ ठेवू नका. सौम्य टॉवेलने हलक्या हाताने पुसा.