पावसाळ्यात घराबाहेर न जाता वजन कमी करण्यासाठी कोणता व्यायाम करावा?

पावसाळ्यात योगा हा सर्वात सुरक्षित आणि प्रभावी व्यायाम आहे. सूर्यनमस्कार, भुजंगासन, पवनमुक्तासन, त्रिकोणासन यांसारखी योगासनं वजन कमी करण्यास मदत करतात.

जशी जिम नसेल तरी चिंता नाही! स्क्वॅट्स, लंजेस, पुशअप्स, प्लँक, माउंटन क्लाइंबर्स हे व्यायाम तुम्ही घरात सहज करू शकता. यासाठी कोणतेही उपकरण लागत नाही.

जरा संगीत लावा आणि डान्स करा! झुंबा, कार्डिओ डान्स, किंवा अगदी तुमच्या मनाप्रमाणे स्टेप्स – याने भरपूर कॅलरीज बर्न होतात आणि स्ट्रेसदेखील कमी होतो.

घरातील जिना चढणं-उतरणं हा अत्यंत प्रभावी कार्डिओ व्यायाम आहे. यातून पायांचे स्नायू मजबूत होतात आणि हार्ट रेटही वाढतो, ज्यामुळे वजन कमी होण्यास मदत होते.

काही मिनिटं स्टँडिंग साइड किक्स, हाय नीज, लेग स्विंग्स, आर्म सर्कल्स असे व्यायाम केले तरी शरीर ऍक्टिव्ह राहतं आणि कॅलरी बर्न होते.

HIIT (High Intensity Interval Training) म्हणजे थोड्याच वेळात भरपूर ऊर्जा वापरणारा व्यायाम. १५-२० मिनिटं HIIT केल्यास सामान्य व्यायामापेक्षा अधिक कॅलरीज खर्च होतात.

पावसामुळे चालायला, जॉगिंगला जाता येत नसलं तरी घरात बसूनच वजन कमी करणं शक्य आहे. फक्त नियमितता आणि थोडी शिस्त पाळा, आणि तुमचं ध्येय निश्चित गाठता येईल.