श्रावण महिन्यात व्हेज खाण्यातून प्रोटीन कसं मिळवावं?

श्रावण महिना म्हणजे उपास, पूजा आणि सात्त्विक आहाराचा काळ. बहुतांश लोक या काळात मांसाहार टाळतात. त्यामुळे शरीराला आवश्यक असलेले प्रोटीन फक्त शाकाहारी (व्हेज) अन्नातून मिळवावं लागतं

हरभरा, तूर, मूग, मसूर, राजमा, चवळी यांसारख्या कडधान्यांमध्ये प्रोटीन मुबलक प्रमाणात असतं. रोजच्या जेवणात डाळी, उसळी, स्प्राऊट्स यांचा समावेश केल्यास प्रोटीनची गरज सहज पूर्ण होते.

शेंगदाणे, बदाम, अक्रोड, काजू हे फक्त चविष्टच नाहीत, तर प्रोटीन, चांगले फॅट्स आणि फायबर्सचा उत्तम स्रोत आहेत. दररोज १ मूठ इतका सुकामेवा घेतल्यास ऊर्जा टिकून राहते.

सोयाबीन, टोफू (सोयामधून तयार होणारा पनीरसारखा पदार्थ), आणि सोया चंक्स हे अत्यंत प्रोटीनयुक्त अन्न आहेत. भाजीत, पराठ्यात किंवा भाजीसोबत वापरले तरीही हे चवदार आणि पौष्टिक ठरतात.

दूध, ताक, दही, पनीर हे प्रोटीनच्या सोप्या आणि सात्त्विक स्रोतांपैकी एक आहेत. श्रावणात जर दूधाचे पदार्थ चालत असतील, तर यांचा रोजच्या आहारात योग्य समावेश करा.

श्रावण महिना धार्मिक आणि शुद्ध आहाराचा काळ असला, तरीही योग्य संयोजन ठेवून प्रोटीनची कमतरता भासणार नाही. डाळी, सोया, दूध, सुकामेवा यांचा वापर करून तुम्ही आहार घडवू शकता.