कांदा पोहे कसे तयार करावेत, पद्धत जाणून घ्या

पातळ पोहे – २ कप, कांदा – २ मध्यम आकाराचे, मिरी व हळद – प्रत्येकी अर्धा चमचा, मोहरी – १ चमचा, जिरं – अर्धा चमचा, हिरवी मिरची – २-३, मीठ – चवीनुसार, शेंगदाणे – २ चमचे. तेल – २ चमचे

पोहे चाळणीत घेऊन नळाखाली सावधपणे दोनदा धुवून घ्या. २. त्यात मीठ आणि थोडी साखर टाकून ५ मिनिटे झाकून ठेवा, म्हणजे ते मऊ होतील.

कढईत तेल गरम करा. त्यात मोहरी, जिरे, हिंग, शेंगदाणे, हिरवी मिरची, करीपत्ता आणि कांदा टाका. कांदा थोडासा गुलाबी आणि मऊ होईपर्यंत परतून घ्या.

फोडणीत हळद टाका आणि लगेचच धुतलेले पोहे त्यात मिसळा. हळुवारपणे हलवत २-३ मिनिटं झाकून शिजवा. वरून लिंबाचा रस आणि कोथिंबीर शिंपडा.

तयार झालेले कांदा पोहे चहा किंवा ताकासोबत सर्व्ह करा. वरून थोडे शेव, अनारदाणे किंवा नारळ टाकून अधिक चविष्ट बनवा!