महिनाभर Aloe Vera ज्युस प्यायल्यास शरीरात कोणकोणते होऊ शकतात बदल?
कोरफडीच्या रोपामध्ये व्हिटॅमिन, खनिजे आणि अँटी-ऑक्सिडंट्स असतात. व्हिटॅमिन ए, व्हिटॅमिन सी, व्हिटॅमिन ईसह अन्य पोषणतत्त्वांचाही साठा असतो. ज्यामुळे शरीर आतील बाजूने मजबूत होते.
कोरफडीच्या ज्युसमुळे शरीराच्या पचनप्रक्रियेचं कार्य सुधारण्यास मदत मिळू शकते. बद्धकोष्ठता, गॅस, पोट दुखणे यासारख्या पोटाच्या समस्या कमी होऊ शकतात.
तज्ज्ञांच्या सल्ल्यानुसार कोरफडीचा ज्युस प्यायल्यास त्वचेला मोठे लाभ मिळू शकतात.
कोरफडीचा ज्युस प्यायल्यास अथवा केसांवर लावल्यास केसांशी संबंधित समस्या दूर होण्यास मदत मिळते. केस मुळासकट मजबूत होतात व केसांवर चमकही येते.
कोरफडीच्या ज्युसमुळे शरीर हायड्रेटेड राहण्यास मदत मिळते. कारण यामध्ये पाण्याचे प्रमाण अधिक असते.
आवश्यकतेपेक्षा अधिक प्रमाणात कोरफडीचा रस प्यायल्यास शरीरावर दुष्परिणाम होण्याची शक्यता असते. यामुळे जुलाब होणे किंवा पोट दुखणे यासारख्या समस्या निर्माण होऊ शकतात.
गर्भवती तसंच स्तनदा मातांनी तज्ज्ञांच्या सल्ल्यानुसारच कोरफडीचा रस पिणे आवश्यक आहे. कारण अशा परिस्थितीत कोणत्याही समस्या उद्भवण्यापूर्वी खबरदारी घेणे आवश्यक आहे.
Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.