निरोगी आरोग्यासाठी दररोज आंघोळ करणं गरजेचं आहे. पण काहीजण आंघोळ करताना कित्येक चुका करतात. यामुळे शरीराचे नुकसान होऊ शकते. कोणत्या चुका करणं टाळणे गरजेचं आहे? जाणून घेऊया माहिती...
काही लोकांना दिवसातून 3-4 वेळा आंघोळ करण्याची सवय असते, जे शरीरासाठी योग्य नसते. आवश्यकतेपेक्षा जास्त वेळा आंघोळ केल्यास त्वचा कोरडी होण्याची शक्यता असते.
आंघोळ केल्यानंतर टॉवेल रोजच्या रोज स्वच्छ धुणे आवश्यक आहे. टॉवेल न धुतल्यास कित्येक आजारांची लागण होऊ शकते. उदा. नखांचा संसर्ग, त्वचेला खाज येणे इत्यादी.
काही लोकांना आंघोळ करताना लुफा वापरण्याची सवय असते. पण लुफाची योग्य पद्धतीने स्वच्छता न केल्यास त्यावर हानिकारक रोगजंतू जमा होण्याची शक्यता असते.
आंघोळीसाठी अँटी-बॅक्टेरिअल साबणाचा वापर करणं टाळा. कारण यामुळे त्वचेवरील चांगल्या बॅक्टेरियांचा खात्मा होतो.म्हणून मॉइश्चराइझरयुक्त व मऊ साबणाचा वापर करावा.
काही लोक आंघोळीची बादल व मग धुण्याचाही कंटाळा करतात. यामुळे जीवघेण्या बॅक्टेरियांची पैदास होऊ शकते. हे बॅक्टेरिया आंघोळ करताना तुमच्या शरीराच्या संपर्कात आल्यास आपण आजारी पडू शकता.
आंघोळीनंतर लगेचच केस धुण्याची चूक करू नका. यामुळे स्कॅल्पवर नैसर्गिकरित्या स्त्राव होणाऱ्या तेलावर दुष्परिणाम होतो व केस कोरडे होऊ लागतात. यामुळे केसगळतीची समस्या उद्भवू शकते.
कडकडीत गरम पाण्याने आंघोळ करणं टाळावे. यामुळे त्वचेमधील नैसर्गिक तेलावर परिणाम होऊन कोरड्या त्वचेची समस्या उद्भवते. हे नुकसान टाळण्यासाठी कोमट पाण्याने आंघोळ करावी.
Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.