वेटलॉस टिप्स

शरीराचे वजन कमी करण्यासाठी नियमित डाएट व व्यायाम करणे आवश्यक आहे. पण याव्यतिरिक्त आपण औषधी वनस्पतींचा डाएटमध्ये समावेश करूनही वेटलॉस करू शकता.

वजन कमी करण्यामध्ये आयुर्वेदिक औषधी वनस्पतींचा कसा फायदा होऊ शकतो, जाणून घेऊया याबाबत सविस्तर माहिती.

तज्ज्ञांच्या सल्ल्यानुसार कोरफडीच्या गराचा आहारात समावेश केल्यास पचनप्रक्रिया सुधारण्यास मदत मिळू शकते. ज्यामुळे वजन कमी होऊ शकते.

तुळशीच्या रोपामध्ये औषधी गुणधर्मांचा मोठ्या प्रमाणात साठा आहे. त्यामुळे तुळशीची पाने सकाळच्या वेळेस उपाशी पोटी खाणे आरोग्यासाठी फायदेशीर असते.

आर्टिचोकमध्ये कॅलरीजचे प्रमाण कमी आहे. आर्टिचोकची कोशिंबीर तयार करून आपण त्याचे सेवन करू शकता. ज्यामुळे शरीराचे वजन नियंत्रणात राहण्यास मदत मिळेल.

मेथीच्या भाजीचा आहारात समावेश केल्यास लठ्ठपणाशी संबंधित समस्या दूर होण्यास मदत मिळू शकते. शिवाय त्वचा-केसांचे आरोग्यही सुधारते.

पुदिन्याच्या सेवनामुळे शरीराची चयापचयाची क्षमता सुधारण्यास मदत मिळते. यामुळे वजन झटपट कमी होऊ शकते.

आवळ्यामध्ये व्हिटॅमिन ए, पोटॅशिअम, कॅल्शिअम भरपूर प्रमाणात असते. या गुणधर्मांमुळे वजन कमी होण्यास मदत मिळू शकते. शिवाय आवळा केस-त्वचेसाठी देखील लाभदायक आहे. 

पालकमध्ये लोह आणि फायबरचे प्रमाण अधिक असते. त्यामुळे डाएटमध्ये या पालेभाजीचा समावेश केल्यास वजन कमी होण्यास मदत होऊ शकते.