इडली डोसासोबत सर्व्ह करा ही खास चटणी, तोंडाला सुटेल पाणी

इडली डोसासोबत नारळाएवजी कांदा-मिरचीची चटणी कशी तयार करायची याची सोपी रेसिपी पुढे स्टेप बाय स्टेप जाणून घेऊया. 

कांदे, सुकी लाल मिरची, चिंचेचा कोळ, गुळ, तेल. लसूण, चवीनुसार मीठ, कढीपत्ता, उडदाची डाळ आणि मोहरी

सर्वप्रथम पॅनमध्ये तेल गरम करा. यामध्ये लसूण आणि सुक्या लाल मिरची भाजून घ्या.

पॅनमध्ये चिरलेला कांदा घालून त्याला गुलाबी रंग येईपर्यंत भाजून घ्या. यानंतर चिंचेचा कोळ आणि गूळ मिक्स करा. यानंतर मिश्रण थंड झाल्यानंतर मिक्सरमध्ये वाटून घ्या.

पेस्टमध्ये चवीनुसार मीठ घाला. याशिवाय गरजेनुसार चटणीमध्ये पाणीही घाला.

एका पॅनमध्ये तेल गरम करुन त्यामध्ये फोडणीसाठी मोहरी, कढीपत्ता आणि उडदाची डाळ भाजून घ्या.

चटणीवरुन फोडणी घालून झाल्यावर चटणी डोसा इडलीसोबत खाण्यासाठी सर्व्ह करा.