महाशिवरात्रीनिमित्त भगवान शंकराला अर्पण करा या गोष्टी
यंदा महाशिवरात्री 8 मार्च, 2024 रोजी साजरी केली जाणार आहे. या दिवशी भगवान शंकराला प्रिय असणाऱ्या काही गोष्टी अर्पण केल्या जातात. जेणेकरुन तुमच्या आयुष्यातील समस्या दूर होतात.
शंकराला रुईचे फूल अत्यंत प्रिय आहे. शिवपुराणानुसार, शंकराला लाल-पांढऱ्या रंगातील रुईचे फूल अर्पण केल्याने मोक्ष प्राप्त होतो असे म्हटले जाते.
शंकराची पूजा करताना बेलाचे पान नक्की अर्पण करा. अन्यथा तुमची पूजा पूर्ण होत नाही असे मानले जाते. बेलाचे पान अर्पण करताना ते फाटलेले नसावे.
शंकराची पूजा करताना धोत्रा वनस्पती अर्पण करावी. शिवपुराणानुसार, शंकराला धोत्रा अर्पण केल्याने पुत्र प्राप्त होण्याचे भाग्य लाभते.
महाशिवरात्रीनिमित्त शंकराला सकाळी लवकर उठून स्नान केल्यानंतर एका तांब्यात शुद्ध जल अर्पण करा. यामुळे शंकराचे आशीर्वाद तुम्हाला मिळतात.
शंकराला भांगचा नैवेद्य खासकरुन अर्पण केला जातो. महाशिवरात्रीच्या दिवशी शंकराला भांग अर्पण केल्यास तुमच्या इच्छा लवकर पूर्ण होतात.
लेखाद्वारे वाचकांपर्यंत केवळ माहिती पोहोचवण्याचा प्रयत्न करत आहोत. याबाबत Asianet News Marathi कोणताही दावा व समर्थन करत नाही. यासाठी संबंधित क्षेत्रातील तज्ज्ञांचा सल्ला घ्यावा.