कुबेर टीलाचे हे आहे महत्त्व, जेथे पंतप्रधान नरेंद्र मोदी करणार पूजा
पंतप्रधान नरेंद्र मोदी यांच्या हस्ते आज अयोध्येतील रामललांच्या प्राणप्रतिष्ठेच्या सोहळा पार पडला. यानंतर पंतप्रधान कुबेर टीला येथे जाऊन पूजा करणार आहेत.
राम मंदिराच्या आसपास काही प्राचीन देवस्थान आहेत, ज्याबद्दल फार कमी लोकांना माहितेय. कुबेर टीला यापैकीच एक आहे. येथे भगवान शंकराचे एक प्राचीन मंदिरही आहे.
राम मंदिराच्या दक्षिण दिशेला कुबेर टीला आहे. हे स्थान पुरातत्व विभागाअंतर्गत येते. या स्थानाचे धार्मिक महत्त्व आहे. याशिवाय कुबेर टीलाचा जीर्णोद्धारही करण्यात आला आहे.
धार्मिक मान्यतनेनुसार, धनाची देवता मानल्या जाणाऱ्या कुबेर देवतांनी या ठिकाणी तपस्या केली होती. यामुळेच या ठिकाणाला ‘कुबेर टीला’ असे नाव पडले आहे.
कुबेर टीलाचा जीर्णोद्धार करताना येथे 8 मीटर रुंद पंख असणाऱ्या जटायूंची मूर्तीही स्थापन करण्यात आली आहे.
कुबेल टीला येथे कुबेरेश्वर महादेवांचे मंदिर आहे. कुबेर टीलाचे खोदकाम केल्यानंतर येथे जटायू, तलवार गणेश व बाल हनुमानाची मूर्ती सापडली होती.