केक तयार करण्यासाठी खास टिप्स

घराच्या घरी केक तयार करण्यासाठी वेगवेगळ्या पद्धती वापरल्या जातात. पण केक रेसिपीमध्ये काही गोष्टी कटाक्षाने टाळल्या पाहिजेत.

सर्वप्रथम केकसाठी लागणारे साहित्य एकत्रित जमा करून घ्या. सामग्रीचे प्रमाण तपासा. त्यानंतरच रेसिपी करण्यास सुरुवात करा.

केक तयार करण्यासाठी ताज्या सामग्रीचाच वापर करावा. यामुळेच चविष्ट केक तयार होईल.

आरोग्यासाठी पोषक असेल अशाच पद्धतीच्या पिठाचा वापर करावा. महत्त्वाचे म्हणजे पीठ योग्य प्रमाणातच घ्यावे.

केकमध्ये अंडे वापरणार असाल तर लगेच फोडून केकच्या बॅटरमध्ये मिक्स करा. काही जण अंडे बराच वेळ आधी फोडून ठेवतात व त्यानंतर केकच्या बॅटरमध्ये मिक्स करतात. यामुळे चव बिघडली जाते.

सॉफ्ट केक तयार करण्यासाठी बॅटर जास्त वेळ फेटू नका. कारण यामुळे परफेक्ट बॅटर तयार होणार नाही.

केक तयार करण्यासाठी लागणाऱ्या सर्व सामग्रीचे प्रमाण व्यवस्थितच असणे गरजेचं आहे. प्रमाण चुकल्यास केक अधिक कडक किंवा मऊ होऊ शकतो.

केक तयार करताना बेकिंग सोडा फ्रेशच असावा. बेकिंग सोडा फ्रेश नसल्यास केक पूर्णतः बिघडू शकतो.

केक तयार करण्यासाठी ओव्हनचा वापर करत असाल तर त्याचे तापमान नीट सेट करा. केक करपणार नाही, याची काळजी घ्यावी.

केक व्यवस्थितीत तयार झाला आहे की नाही? हे तपासण्यासाठी टुथपिकचा वापर करावा. टुथपिक सहजरित्या केकच्या आतमध्ये शिरल्यास केक तयार झाला आहे, असे समजावे.