पावसाळ्यात उगवणाऱ्या करटुल्याच्या भाजीचे काही गुणकारी फायदे होतात. या भाजीमध्ये प्रोटीन, फायबरसारखे काही महत्वाचे पोषण तत्त्वे असतात. पाहूया करटुल्याच्या भाजीचे फायदे सविस्तर.
करटुल्याच्या भाजीमध्ये फाइटोन्युट्रिएंट्स असतात. याशिवाय कॅलरीज कमी प्रमाणात असल्याने करटुल्याच्या भाजीचे दररोज सेवन केल्याने वजन कमी होण्यास मदत होऊ शकते.
करटुल्यास बीटा कॅरेटीन, ल्युटेनसारखी पोषण तत्त्वे असतात, जी त्वचेसाठी फायदेशीर ठरतात. यामधील अँटी-एजिंग गुणधर्मही त्वचा उत्तम ठेवण्यास मदत करतात.
भाजीतील पोषण तत्त्वांमुळे रक्तातील साखर नियंत्रणात राहण्यास मदत होते. याशिवाय करटुल्यात फायबरचे प्रमाण अत्याधिक असल्याने मधुमेहाच्या रुग्णांनी ती भाजी खाण्याचा सल्ला दिला जातो.
करटुल्याच्या भाजीत पोटॅशियमच भरपूर प्रमाणात असल्याने उच्च रक्तदाब नियंत्रणात राहण्यास मदत होते.
करटुल्यामध्ये फायबर अत्याधिक प्रमाणात असल्याने पचनक्रिया सुधारली जाते. यामुळे गॅस, अॅसिडिटी आणि बद्धकोष्ठतेच्या समस्येपासून दूर राहता.
पावसाळ्यात करटुल्याच्या भाजीमुळे सर्दी, खोकला अथवा अॅलर्जीसारख्या समस्यांपासून बचाव होतो. यामध्ये अँटी-अॅलर्जीक गुणधर्म असतात.
व्हिटॅमिन सी चा उत्तम स्रोत मानल्या जाणाऱ्या करटुल्याच्या भाजीच्या सेवनाने रोगप्रतिकारक शक्ती वाढण्यास मदत होते.
लेखाद्वारे वाचकांपर्यंत केवळ माहिती पोहोचवण्याचा प्रयत्न करत आहोत. याबाबत Asianet News Marathi कोणताही दावा व समर्थन करत नाही. यासाठी संबंधित क्षेत्रातील तज्ज्ञांचा सल्ला घ्यावा.