आयआरसीटीसीकडून पर्यटकांसाठी माता वैष्णो देवी मंदिरासाठी पॅकेज उपलब्ध करुन देण्यात आले आहे. या पॅकेजमध्ये खिशाला परवडणाऱ्या खर्चात ट्रिपची मजा घेता येणार आहे.
आयआरसीटीसी दिल्ली येथून वैष्णो देवी मंदिरासाठी पॅकेज सुरु करण्यात आले आहे. या पॅकेजची सुरुवातीची किंमत 10 हजार रुपये आहे.
आयआरसीटीसीच्या टूर पॅकेजची सुरुवात दिल्लीपासून होणार आहे. यामध्ये तीन रात्र आणि चार दिवसांची ट्रिप करता येणार आहे. पण विकेंडला दर्शनाचा समावेश नाही.
टूर पॅकेजमध्ये प्रवाशाला 3 एसी कोचमधून प्रवास करता येणार आहे. याशिवाय प्रवाशांना नाश्ता आणि रात्रीचे जेवण दिले जाणार आहे. राहण्याचीही व्यवस्था मिळणार आहे.
या पॅकेजमध्ये एकट्याने प्रवास करत असल्यास तुम्हाला 13925 रुपये भाडे द्यावे लागेल. दोन प्रवाशांसाठी प्रति व्यक्तीनुसार 11385 रुपये खर्च येईल.
आयआरसीटीसीच्या वैष्णो देवी टूर पॅकेजमध्ये प्रति व्यक्ती भाडे 10325 रुपये आहे. 5-10 वर्षांमधील मुलांचे बेडसोबतचे भाडे 9690 रुपये आहे. बेडशिवाय भाडे 8675 रुपये आहे.