घरच्या घरी मसाला पनीर कस बनवावं, प्रोसेस जाणून घ्या

मसाला पनीर हा एक चविष्ट आणि पौष्टिक पदार्थ आहे जो जेवणामध्ये चमकदार ठरतो. तो बनवणे खूप सोपे असून, घरी सहज उपलब्ध असलेल्या साहित्यांचा वापर करून तुम्ही मसाला पनीर तयार करू शकता.

पनीर – 250 ग्रॅम, कांदा – 2 मध्यम आकाराचे ,टोमॅटो – 2 मध्यम आकाराचे, हिरव्या मिरच्या – 2, आले-लसूण पेस्ट – 1 चमचा, हळद – 1/4 चमचा, लाल तिखट – 1 चमचा, गरम मसाला – 1/2 चमचा

धने पूड – 1 चमचा कसूरी मेथी – 1 चमचा (चुरून) क्रीम किंवा दही – 2 चमचे तेल किंवा तूप – 2-3 चमचे मीठ – चवीनुसार कोथिंबीर – सजावटीसाठी

एका तव्यावर थोडेसे तेल गरम करा आणि त्यात पनीरचे तुकडे हलक्या आचेवर थोडेसे परतून घ्या. पनीर हलके सोनेरी रंगाचे झाले की, एका बाजूला ठेवा.

कढईत 2-3 चमचे तेल गरम करा. त्यात चिरलेला कांदा घालून गुलाबीसर होईपर्यंत परतून घ्या. त्यात आले-लसूण पेस्ट आणि हिरव्या मिरच्या घालून एक मिनिट परता.

हळद, लाल तिखट, धने पूड, आणि गरम मसाला घालून चांगले मिसळा. मसाले तेल सोडेपर्यंत मध्यम आचेवर शिजवा.

मसाल्यामध्ये 2 चमचे क्रीम किंवा दही घालून नीट मिक्स करा. थोडे पाणी घालून ग्रेव्ही तयार करा.

तयार ग्रेव्हीमध्ये परतलेले पनीरचे तुकडे घाला आणि हलक्या हाताने मिक्स करा. 5-7 मिनिटे झाकण ठेवून पनीर शिजवून घ्या.

वरून कसूरी मेथी घालून हलके मिसळा. कोथिंबीर घालून गॅस बंद करा.

गरमागरम मसाला पनीर फुलका, पराठा, नान, किंवा भातासोबत सर्व्ह करा. हा पदार्थ पार्टी, जेवण किंवा अगदी साध्या जेवणासाठी उत्तम पर्याय आहे.