)
Marathi
)
Marathi
)
Marathi
)
Marathi
Marathi
Marathi
Marathi
Marathi
२ कप आंब्याचा गर, १ कप साखर, ½ कप दूध, १ कप खोवलेला नारळ, २ टेबलस्पून तूप, ½ टीस्पून वेलदोडा पूड, ५-६ बदाम/पिस्ते
आंब्याचा गर मिक्सरमध्ये एकसंध फिरवून घ्या, गुठळ्या नसाव्यात. जर आंबा खूप आंबट असेल, तर चवीनुसार साखर वाढवू शकता.
जाड तळाचा पॅन किंवा कढई मध्यम आचेवर गरम करून त्यात तूप टाका. आंब्याचा गर आणि साखर घालून सतत हलवत राहा. मिश्रण घट्ट होऊ लागल्यावर त्यात दूध आणि खोवलेला नारळ (ऐच्छिक) घाला.
मिश्रण पॅनच्या कडेला चिकटू लागले आणि चमच्याने ढवळताना पातेल्याला न चिकटता गोळा तयार झाला की गॅस बंद करा. त्यात वेलदोड्याची पूड घालून चांगले मिसळा.
एका ताटाला तूप लावून त्यावर हे मिश्रण समसर पसरवा. त्यावर बदाम-पिस्त्याचे तुकडे टाका आणि हलक्या हाताने दाबा. २-३ तास गार होऊ द्या.
मिश्रण सेट झाल्यावर हवे त्या आकारात वड्या कापा आणि साठवण्यासाठी हवाबंद डब्यात ठेवा.
गोडसर चव हवी असेल तर साखर वाढवू शकता. जास्त टिकवायची असल्यास मिश्रण कोरडे होईपर्यंत शिजवा. नारळ न वापरल्यास वड्या अधिक टिकतील.