सुटलेल्या पोटामुळे त्रस्त आहात का? तर मग नियमित भुजंगासनाचा सराव करा. या आसनामुळे पोटाचे स्नायू ताणले जातात. ज्यामुळे पोटावरील अतिरिक्त चरबी कमी होण्यास मदत मिळते.
भुजंगासनामुळे फुफ्फुसांचे आरोग्य निरोगी राहण्यासाठी व त्यांची क्षमता वाढण्यासाठी मदत मिळू शकते.
भुजंगासनामुळे शरीराचे स्नायू ताणले जातात. यामुळे खांदे, पाठ आणि मानेसह संपूर्ण शरीरास आराम मिळतो व या अवयवांवरील ताण देखील कमी होतो.
भुजंगासनाच्या सरावामुळे पाठ व पोटाच्या भागास प्रामुख्याने लाभ मिळतात. यामुळे पाठीचा कणा लवचिक होण्यास मदत मिळते.
नितंबाचे स्नायू मजबूत होण्यासाठी नियमित भुजंगासनाचा अभ्यास करावा. यामुळे कंबरदुखीही कमी होऊ शकते.
भुजंगासनाच्या सरावामुळे शरीराची चयापचयाची क्षमता सुधारण्यास मदत मिळते. यामुळे पोटाशी संबंधित समस्याही कमी होतात.
शारीरिक व मानसिक तणाव कमी करायचा असल्यास नियमित भुजंगासनाचा सराव करावा. यामुळे थकवा, शारीरिक कमकुवतपणा, डोकेदुखी, स्तुती यासारख्या समस्या दूर होण्यास मदत मिळेल.
भुजंगासनाच्या सरावामुळे सायटिकाच्या दुखण्यातून मुक्तता मिळू शकते. कारण या आसनामुळे पायांच्या नसांवर सकारात्मक परिणाम होतो.
भुजंगासनामुळे पोटाच्या भागातील अवयवांवर सकारात्मक परिणाम होतात. यकृत व किडनीच्या आरोग्यासही हे आसन उपयुक्त आहे. भुजंगासनामुळे रक्तप्रवाह देखील सुधारतो.
Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.