चेहऱ्यावर हवाय ब्युटी पार्लर ट्रीटमेंटसारखा ग्लो? मग फॉलो करा या टिप्स
सुंदर व डागविरहित त्वचा मिळवण्यासाठी महिलावर्ग कित्येक उपाय करतात. पण काहीजणी नैसर्गिक उपाय करण्यावर अधिक भर देतात. कारण त्यांना केमिकलयुक्त ब्युटी प्रोडक्ट्सचा वापर करायचा नसतो.
त्वचेची देखभाल करण्यासाठी नाइट केअर रुटीनही तितकेच महत्त्वाचे आहे. यामुळे दिवसभराचा थकवा, प्रदूषण व सूर्याच्या हानिकारक किरणांमुळे त्वचेचं झालेले नुकसान भरून निघण्यास मदत मिळते.
झोपण्यापूर्वी कोरफडीचा गर चेहऱ्यावर लावल्यास त्वचा हायड्रेट राहील व चेहऱ्यावर तेजही येईल. यासाठी कोरफडीचा गर लावून हलक्या हाताने चेहऱ्याचा मसाज करावा.
नारळाचे तेल किंवा नाइट क्रीममध्ये व्हिटॅमिन ई कॅप्सूल मिक्स करून लावल्यास त्वचेवर नॅचरल ग्लो येण्यास मदत मिळू शकते.
आयुर्वेदामध्ये फार पूर्वीपासूनच त्वचेची काळजी घेण्यासाठी नारळाच्या तेलाचा वापर केला जातो. कारण यामुळे त्वचेला नैसर्गिक स्वरुपात मॉइश्चराइझर मिळते.
हळद व कच्च्या दुधाची पेस्ट तयार करून चेहऱ्यावर लावल्यास त्वचेला खूप फायदे मिळतील. यामुळे डेड स्किन, डार्क सर्कल, सन टॅन यासारख्या समस्या कमी होतील.
गुलाब पाणी विकत आणण्याऐवजी घरच्या घरी तयार करून चेहऱ्यावर लावा. यामुळे चेहऱ्याचे सौंदर्य खुलण्यास मदत मिळेल.
Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.