हसताय ना मंडळी? जाणून घ्या लाफ्टर योगचे अगणित फायदे
घरात किंवा एखाद्या पार्कमध्ये आपण वृद्धांना तसंच तरुणांना लाफ्टर थेरपी किंवा लाफ्टर योग करताना पाहिले असेलच. यासाठी लोक ग्रुप करून एकत्रित येतात व मोठमोठ्याने हसतात.
लाफ्टर थेरपीचे फायदे माहिती आहेत का? जाणून घेऊया सविस्तर माहिती...
लाफ्टर थेरपीची सुरुवात स्मित हास्याने केली जाते. यानंतर मार्गदर्शक ग्रुपमधील लोकांना मोठमोठ्याने हसण्यास सांगतात. सर्वजण एकत्रित आनंदाने हा व्यायाम करतात.
मोठमोठ्याने हसण्याने चेहऱ्यांच्या स्नायूंचा चांगला व्यायाम होतो. ज्यामुळे चेहऱ्यावरील चमक वाढण्यास मदत मिळते. महत्त्वाचे म्हणजे मानसिक तणाव कमी होतो.
लाफ्टर थेरपीमुळे शरीराची रोगप्रतिकारक शक्ती वाढते. मानसिक तणावामुळे शरीराची रोगप्रतिकारक शक्ती कमकुवत होते. यामुळे आजारांची लागण होण्याचा धोका वाढतो.
हसण्याचा व्यायाम केल्याने शरीरातील रक्तप्रवाह अधिक चांगला होतो. शरीराला ऑक्सिजन वायूचा पुरवठा देखील उत्तम प्रकारे होतो.
दररोज हसण्याचा व्यायाम केल्यास मधुमेहाची समस्या नियंत्रणात राहण्यास मदत मिळते. याशिवाय नैराश्यावरही मात करता येते.
हसण्याचा व्यायाम हृदयासाठी लाभदायक आहे. मोठमोठ्याने हसल्यास शरीरात हॅपी हार्मोन्सचा स्त्राव अधिक प्रमाणात होतो. यामुळे तणाव दूर होऊन हृदयाचे कार्य सुरळीत सुरू राहते.
Disclaimer : सदर लेख केवळ सामान्य माहिती देण्याकरिता आहे. Asianet News या माहितीची जबाबदारी घेत नाही. अधिक माहितीसाठी आपण तज्ज्ञ किंवा आपल्या ओळखीच्या डॉक्टरांचा सल्ला घ्यावा.