ख्रिसमसला मुलांसाठी बनवा Yummy चॉकलेट डोनट
दोन कप मैदा, दीड कप कोको पावडर, तीन चतुर्थांश कप साखर, दोन चमचा बेकिंग पावडर, बेकिंग सोडा, दीड चमचा मीठ, तीन चतुर्थांश ताक, दोन अंडी, दोन चमचे लोणी, दोन चमचे व्हेनिला एसेंस.
एक कप पिठीसाखर, चार चमचे कोको पावडर, चार मोठे चमचे दूध, एक चमचा व्हेनिला एसेंस.
चॉकलेट डोनट तयार करण्यासाठी सर्वप्रथम ओव्हन 350 डिग्री फॉरेन्हाइटवर ( 175 डिग्री सेल्सिअस) गरम करा.
एका बाऊलमध्ये मैदा, कोको पावडर, साखर, बेकिंग पावडर, बेकिंग सोडा आणि मीठ व्यवस्थितीत मिक्स करून घ्या. यानंतर तयार करण्यात आलेला डोनट सॉस गाळणीने गाळून वेगळ्या भांड्यात ठेवा.
दुसऱ्या भांड्यात ताक, अंडी, लोणी आणि व्हेनिला एसेंस एकत्रित करून सर्व सामग्री व्यवस्थितीत फेटून घ्या.
चॉकलेट डोनटसाठी डोनट पॅनवर लोणीचे काही थेंब टाका. डोनटसाठी तयार करण्यात आलेले पीठ चमचाने पाइपिंग बॅगमध्ये भरून झाल्यानंतर डोनट पॅनमध्ये सोडा.
गरम केलेल्या ओव्हनमध्ये पॅन ठेवा व 10-12 मिनिटे डोनट भाजण्यासाठी ठेवा. टूथपिक डोनटमधून सहज बाहेर आल्यास तो तयार झालाय हे समजा. ओव्हनमधून डोनट बाहेर काढल्यानंतर थंड होऊ द्या.
एका मोठ्या वाटीत पिठीसाखर, कोको पावडर, दूध आणि व्हेनिला एसेंस एकत्रित करून व्यवस्थितीत मिक्स करा. सॉस पातळ हवा असल्यास आवश्यकतेनुसार दूध मिक्स करा.
डोनट थंड झाल्यानंतर प्रत्येक डोनट ब्रेड चॉकलेट सॉसमध्ये बुडवून बाहेर काढा. या डोनटवर तुम्ही चॉकलेट चिप्स स्प्रिंकल करू शकता.
डोनटवर चॉकलेट सॉस व्यवस्थितीत सेट झाल्यानंतर एका प्लेटमध्ये डोनट काढून मुलांना सर्व्ह करा. ख्रिसमसनिमित्त मुलांसाठी चॉकलेट केक ऐवजी यंदा चॉकलेट डोनटची ही रेसिपी नक्की ट्राय करा.