Beauty

चेहऱ्याचे सौंदर्य खुलवण्यासाठी या हिरव्यागार भाजीचा करा वापर

पालक ही भाजी आरोग्यवर्धक तसेच सौंदर्यवर्धकही आहे. पालकचा आपण ब्युटी केअर रुटीनमध्येही समावेश करू शकता.

पालकचा वापर करून चेहऱ्याचे सौंदर्य कसे खुलवू शकता? जाणून घेऊया सविस्तर माहिती...

पालकमधील पोषकघटकांमुळे त्वचा निरोगी राहण्यास मदत मिळते. यामध्ये व्हिटॅमिन A, C, K, B1, B2, B6, लोह, मॅग्नेशिअम, कॅल्शिअम, फॉलेट, ओमेगा 3 फॅटी अॅसिड यासारख्या घटकांचा समावेश आहे.

 त्वचा तेलकट असल्यास मुरुमांच्या समस्येचा सामना करावा लागतो. पालकमधील औषधी तत्त्वांमुळे त्वचेवर जमा झालेली घाण व तेलाच्या समस्येपासून सुटका मिळू शकते.

 पालकमध्ये व्हिटॅमिन B असते, त्यामुळे त्वचेचे सूर्याच्या हानिकारक किरणांपासून संरक्षण होण्यास मदत मिळते. सन बर्न, वृद्धत्वाची लक्षणे, डागांची समस्याही कमी होऊ शकते.

पालकमध्ये अँटी-ऑक्सिडंट्सचे गुणधर्म आहेत. ज्यामुळे वृद्धांची लक्षणे कमी होण्यास मदत मिळते. पालकच्या सेवनामुळे त्वचेवर नॅचरल ग्लो येतो.

 तेलकट तसेच कोरड्या त्वचेसाठीही पालक लाभदायक आहे. यातील व्हिटॅमिन K व फॉलेट घटकामुळे काळे डाग, मुरुम कमी होण्यास मदत मिळते.चेहऱ्यावर तेजही येते.

पालकचे सेवन करण्याव्यतिरिक्त आपण त्याची पेस्ट तयार करूनही चेहऱ्यावर लावू शकता. पेस्टमध्ये गुलाब पाणी, मध मिक्स करा व चेहऱ्यावर लावा. 10 मिनिटांनी चेहर स्वच्छ करावा.

लेखाद्वारे वाचकांपर्यंत केवळ माहिती पोहोचवण्याचा प्रयत्न करत आहोत. याबाबत Asianet News Marathi कोणताही दावा व समर्थन करत नाही. यासाठी संबंधित क्षेत्रातील तज्ज्ञांचा सल्ला घ्यावा.