मुलांची नावे ठेवून कोट्यवधींची कमाई.. एका नावासाठी २७ लाख!

अमेरिकेतील टेलर हम्फ्रे एक अनोखा बिझनेस करते. ती लोकांसाठी प्रोफेशनल पद्धतीने बाळांची नावे सुचवते. तिच्या या सेवेसाठी श्रीमंत लोक हजारो डॉलर्स खर्च करायला नेहमी तयार असतात.

टेलर एका क्लायंटकडून ३०,००० डॉलर्स (सुमारे २७ लाख रुपये) पर्यंत फी घेते. ही फी नावाची खोली आणि क्लायंटच्या गरजेवर पूर्णपणे अवलंबून असते.

फक्त २०२० या एकाच वर्षात तिने १०० हून अधिक मुलांची नावे ठेवण्यात मदत केली होती. यातून तिने १,५०,००० डॉलर्स (सुमारे १.३३ कोटी रुपये) ची घसघशीत कमाई केली.

नाव सुचवण्यापूर्वी टेलर पालकांना एक खास प्रश्नावली भरायला देते. यातून ती पालकांचा स्वभाव, त्यांच्या आवडीनिवडी आणि कौटुंबिक पार्श्वभूमी समजून घेते.