Fresh Cauliflower Tips : अळी नसलेले ताजे फ्लॉवर कसे ओळखायचे?

फ्लॉवर जास्त दिवस साठवून ठेवल्यास त्यात अळ्यांचे प्रमाण वाढते. त्यामुळे बाजारातून आणल्याबरोबरच ती वापरणे केव्हाही चांगले.

फ्लॉवरपासून चविष्ट भाजीपासून ते गोबी मंचुरियनपर्यंत अनेक उत्तम पदार्थ बनवता येतात. ही भाजी सर्व प्रकारच्या पदार्थांसोबत अगदी छान लागते.

फ्लॉवरचा वरचा भाग पिवळसर झाला असेल, तर ती अजिबात खरेदी करू नका. पिवळी पडणे म्हणजे ती शेतातून काढून चार-पाच दिवस उलटून गेले आहेत.

फ्लॉवरचा रंग एकदम पांढराशुभ्र असायला हवा. पांढरा रंग असल्यास ती ताजी मानली जाते. तसेच, फ्लॉवरचे तुरे थोडे वेगळे करून आत कोणती अळी फिरत नाही ना, हे नक्की तपासा.

फ्लॉवरचे तुकडे केल्यानंतर ते गरम पाण्यात चांगले धुवून घ्या. त्यानंतर पाणी निथळल्यावर ५-१० मिनिटे मंद आचेवर तळून घेऊन तुमचा आवडता पदार्थ बनवल्यास चव दुप्पट होते.