पावसाळ्यात घरातील लाल मुंग्या होतील गायब, करा हे 5 सोपे उपाय

पावसाळ्यात घरातील कोपऱ्यांमधून लाल मुंग्या बाहेर पडू लागतात. किचमध्ये अन्नपदार्थांचे कण पडल्यास लाल मुंग्या तेथे जमा होतात. यावर उपाय काय हे पुढे पाहूया…

व्हिनेगरचा गंध मुंग्यांना आवडत नाही. यामुळे मीठ आणि व्हिनेगरचे पाणी तयार करुन त्याने किचनच्या टाइल्स, फरशी अथवा आजूबाजूच्या ठिकाणी पुसून घ्या.

काळी मिरी आणि हळद पावडर पाण्यात मिक्स करुन उकळून घ्या. हे पाणी स्प्रे बॉटलमध्ये भरुन घराच्या कानाकोपऱ्यासह खाण्यापिण्याच्या वस्तू ठेवता तेथे शिंपडा. यामुळे लाल मुंग्या दूर होतील.

लाल मिरचीचा गंध लाल मुंग्यांना अजिबात आवडत नाही. यामुळे मिरचीची पेस्ट तयार करुन पाण्यात उकळवून त्याचा स्प्रे तयार करा. यामुळे पावसाळ्यात घरात येणाऱ्या लाल मुंग्या गायब होतील.

मार्केटमध्ये किडे-मुंग्यांना घरातून पळवण्यासाठी वेगवेगळे स्प्रे अथवा खडू येतात. याचा वापरही घरातील लाल मुंग्या दूर करण्यासाठी करू शकता.