22 जानेवारीला अयोध्येत जाण्याचा विचार करताय? आधी हे वाचा
येत्या 22 जानेवारीला रामललांची प्राणप्रतिष्ठा केली जाणार आहे. या दिवशी अयोध्येत व्हीव्हीआयपी उपस्थितीत राहणार आहेत. यामुळे भाविकांना घरातूनच रामललांचे दर्शन करण्यास सांगितलेय.
भाविकांना रामललांचे दर्शन 23 जानेवारीपासून करता येणार आहे. अयोध्येत येणाऱ्या भाविकांना राम मंदिराच्या प्राणप्रतिष्ठेनंतरच मंदिरात प्रवेश मिळणार आहे.
राम मंदिराचा उद्घाटन सोहळा असल्याने व्हीव्हीआयपींसह मोठ्या संख्येने साधू-संत अयोध्येत येणार आहेत. यामुळे अयोध्येत सामान्य भाविकांना रामललांचे दर्शन घेणे शक्य होणार नाहीय.
राम मंदिराचा उद्घाटन सोहळा असल्याने 22 जानेवारीला अयोध्येत तुफान गर्दी असणार आहे. यावेळी तुम्हाला राहण्यासाठी हॉटेलचे बुकिंगही मिळणार नाही.
परिवारासोबत अयोध्येत 22 जानेवारीला जाण्याचा प्लॅन करताय तर तो रद्द करू शकता. या दिवशी तुम्हाला अयोध्येत खूप गर्दी भेटेल. पण अत्यावश्यक वस्तू देखील न मिळण्याची शक्यता आहे.
अयोध्येत पोहोचण्यासाठी तुम्ही ट्रेनच्या माध्यमातून प्रवास करू शकता. याशिवाय महर्षी वाल्मिकी विमानतळावरूनही तुम्हाला अयोध्येत येता येईल.