India
अयोध्येतील विमानतळाचे PM नरेंद्र मोदी यांच्या हस्ते होणार उद्घाटन
अयोध्येतील आंतरराष्ट्रीय विमानतळाचे उद्घाटन पंतप्रधान नरेंद्र मोदी यांच्या हस्ते होणार आहे. यासाठी पंतप्रधान 30 डिसेंबर, 2023 रोजी अयोध्येत येणार आहेत.
अयोध्येत तयार करण्यात आलेल्या विमानतळाला महर्षी वाल्मिकी आंतरराष्ट्रीय विमानतळ नाव देण्यात आले आहे.
अयोध्येतील आंतरराष्ट्रीय विमानतळावरुन 6 जानेवारी, 2024 पासून विमान उड्डाणे सुरू केली जाणार आहेत.
अयोध्येतून सध्या दिल्ली, मुंबई, कोलकाता, हैदराबाद, बंगळुरू सारख्या प्रमुख शहरांसाठी उड्डाणे सुरू होण्याची शक्यता आहे.
मुख्यमंत्री योगी आदित्यनाथ यांनी अयोध्येतील आंतरराष्ट्रीय विमानतळ हे 821 एकर जमिनीवर विस्तारल्याची माहिती दिली आहे.
विमानतळाच्या पहिल्या टप्प्यात 65 हजार स्क्वेअर फूटचे टर्मिनल उभारले जाणार आहे. विमानाचा रनवे 2 हजार 200 मीटर रुंद असणार आहे. याशिवाय प्रतितास दोन-तीन विमान उड्डाण करू शकतात.
नूतनीकरण करण्यात आलेल्या रेल्वे स्थानकाचे नाव बदलून अयोध्या धाम जंक्शन करण्यात आले आहे. हे रेल्वे स्थानक 430 कोटी रूपये खर्च करून उभारण्यात आले आहे.
22 जानेवारी, 2024 रोजी रामललांची प्राणप्रतिष्ठा केली जाणार आहे. या सोहळ्यासाठी आठ हजारांच्या आसपास व्हीव्हीआयपी उपस्थितीत राहू शकतात.