एकेकाळी दूध विक्री करायचे, आता वाढदिवशी घेणार CM पदाची शपथ
राजस्थानचे नवे मुख्यमंत्री भजन लाल शर्मा येत्या 15 डिसेंबर (2023) रोजी मुख्यमंत्रिपदाची शपथ घेणार आहेत. या दिवशी शर्मा यांचा वाढदिवसही असतो.
राजस्थानचे नवे मुख्यमंत्री भजन लाल एकेकाळी गावात दूध विक्री करायचे. त्यानंतर भजन लाल सरपंच झाले. कोणीही विचार केला नसेल की दूध विक्री करणारा मुलगा राज्याचा मुख्यमंत्री होईल.
भजन लाल शर्मा भरतपूर जिल्ह्यातील अटारी गावातील रहिवासी आहेत. येथे आपल्या वडिलांसोबत शेती करायचे.
फार कमी लोकांना माहितेय, भजन लाल शर्मा यांनी पहिली निवडणूक भाजपाविरोधात लढली होती. त्या निवडणुकीत भजन लाल यांचा पराभव झाला होता.
कॉलेजच्या दिवसात भजन लाल अखिल भारतीय विद्यार्थी परिषदेसोबत जोडले गेले. जिल्हा संघटनेत पदाधिकारी झाले. त्यानंतर जिल्हा अध्यक्ष आणि राज्य स्तरावर संघटनेचे पदाधिकारीही होते.
भजन शर्मा हे तीन बहिणींचे एकुलते एक भाऊ आहेत. भजन लाल भरतपूर येथून जयपूर येथे आले आणि येथूनच त्यांच्या राजकीय प्रवासास सुरुवात झाली.