राम मंदिराचे पुजारी म्हणून कोणाची झाली निवड? जाणून घ्या सविस्तर माहिती…
अयोध्येतील राम मंदिराचा उद्घाटन सोहळा 22 जानेवारी 2024 रोजी पार पडणार आहे. यानंतर मंदिराचे दर्शन भाविक घेऊ शकणार आहेत.
राम मंदिरात पूजा-पठण करण्यासाठी पुजारींची निवड करण्यात आली आहे. मोहित पांडे यांची मंदिराचे पुजारी म्हणून नियुक्ती करण्यात आली आहे.
मोहित पांडे हे गाझियाबादमधील श्री. दुधेश्वर वेद विद्यापीठाचे विद्यार्थी आहेत.
राम मंदिरासाठी पुजारी निवडण्याकरिता देशभरातील 3 हजार पुजाऱ्यांची मुलाखत घेण्यात आली. यातील 50 जणांची निवड करण्यात आली. या 50पैकी मोहित पांडे यांची नियुक्ती करण्यात आली.
राम मंदिराचे पुजारी म्हणून नियुक्ती झाल्यानंतर सुरुवातीचे 6 महिने प्रशिक्षण दिले जाईल. यानंतरच श्रीरामाच्या सेवेसाठी पांडेंची नियुक्ती होईल. अन्य पुजाऱ्यांनाही योग्य पद दिले जाईल.
मोहित पांडे यांना सर्व ग्रंथांचे ज्ञान आहे. पण आता ते पीएचडी शिक्षणाचीही तयारी करत आहेत.